कारवाई रोखली‎:तिन्ही वाहन परीक्षकांचे निलंबन मागे‎

राज्याच्या विधिमंडळात गाजलेली‎ दुरावस्था झालेली बस मार्गस्थ‎ केल्याचा ठपका ठेवून आगारातील‎ निलंबित केलेल्या तिन्ही वाहन‎ परीक्षकांचे निलंबन चार दिवसानंतर‎ आगारप्रमुखांनी मागे घेतले.‎ निलंबनानंतर विधिमंडळात विरोधी‎ पक्षनेते अजित पवार यांनी ‘रोग‎ हल्याला, इंजेक्शन मात्र‎ पखालीला''अशी टीका केली होती.‎ भूम आगारातील (एमएच २० बीएल‎ ०२०६) या क्रमांकाच्या बसची अवस्था‎ अतिशय वाईट होती. ही एसटी प्रवासी‎ वाहतुकीसाठी मार्गस्थ असताना या‎ बसचे फोटो व्हायरल झाले होते.‎ बसवर लावलेल्या दमदार जाहिरातीत‎ मुख्यमंत्री एकनाथ शिंदे व‎ उपमुख्यमंत्री देवेंद्र फडणवीस यांचे‎ फोटो होते.

यामुळे विरोधी पक्षनेते‎ अजि त पवार यांनी दि.२८ फेब्रुवारी‎ रोजी विधिमंडळात त्यावरील‎ शासनाच्या दमदार जाहिरातीचा मुद्दा‎ मांडत शासनावर सडकून टीका केली‎ होती. सर्व प्रकारानंतर आगारप्रमुखांनी‎ गुरुवारी वाहन परीक्षक डी. बी. एडके,‎ एस. एन. हराळ व ए. यु. शेख यांना‎ निलंबित केले. याची बातमी दैनिक‎ ‘दिव्य मराठी’ने प्रसिद्ध केल्यानंतर‎ दुसऱ्याच दिवशी विधिमंडळात पवार‎ यांनी निलंबन म्हणजे ‘रोग हल्याला‎ इंजेक्शन मात्र पखालीला'' असा टोला‎ लगावला. यानंतर तिन्ही कर्मचाऱ्यांचे‎ निलंबन सोमवारी (दि. ६) मागे घेतले.‎ तसे पत्र तिन्ही वाहन परीक्षकांना आगार‎ प्रमुख विनोद अलकुंठे यांनी दिले‎ असून कर्मचारी कामावर हजर‎ झाल्याचे आगार प्रमुखांनी सांगितले.‎