उदासीनता:शिक्षक मतदारसंघ निवडणूक; पालिकेने‎ पाच दिवसांनी हटवली शहरातील होर्डिंग्ज

‎शिक्षक मतदारसंघाच्या निवडणुकीची‎ घोषणा झाल्यावर तब्बल पाच‎ दिवसांनी तुळजापूर नगरपालिकेला‎ जाग आली. मंगळवारी (दि.३)‎ शहरातील अनेक होर्डिंग्ज काढण्यात‎ आली. दरम्यान, उशिरा का होईना‎ करण्यात आलेल्या या कारवाईमुळे‎ शहरातील चौकांनी मोकळा श्वास‎ घेतला आहे.‎ औरंगाबाद शिक्षक मतदारसंघाच्या‎ निवडणुकीची आचारसंहिता लागू‎ झाली आहे. निवडणुकीच्या‎ आचारसंहिता लागू झाल्यावर येथील‎ नगरपालिकेला पाच दिवसांनी जाग‎ आली. त्यामुळे पालिकेच्या‎ कर्मचाऱ्यांनी मंगळवारी दुपारी‎ होर्डिंग्ज विरोधात मोहीम राबवली.‎

दुपारपर्यंत छत्रपती शिवाजी महाराज पुतळा‎ परिसर, डाॅ. बाबासाहेबआंबेडकर चौक,‎ गोलाई, जुने बसस्थानक आदी भागातील‎ शेकडो होर्डिंग्ज काढण्यात आली. पालिकेने‎ अनेक दिवसानंतर शहरात राबवलेल्या या‎ मोहिमेमुळे तुळजापुरातील अनेक चौकांनी‎ मोकळा श्वास घेतला आहे. यामुळे शहर व‎ चौकांच्या सौंदर्यात भर पडली आहे. पालिकेचे‎ स्वच्छता निरीक्षक दत्ता साळुंके, सज्जन‎ गायकवाड, राजू सातपुते यांच्यासह‎ ठेक्यातील आठ ते दहा कर्मचाऱ्यांनी होर्डिंग्ज‎ विरोधी मोहीम राबवली.‎

२९ डिसेंबर रोजी झाली निवडणुकीची घोषणा‎
औरंगाबाद शिक्षक मतदार संघाच्या निवडणुकीची घोषणा २९‎ डिसेंबर २०२२ रोजी करण्यात आली होती. त्यामुळे‎ निवडणुकीची घोषणा होताच आदर्श आचारसंहिता लागू‎ झाली होती. ३० डिसेंबर रोजी जिल्हाधिकारी तथा सहायक‎ निवडणूक निर्णय अधिकाऱ्यांनी जिल्ह्यातील सर्व प्रमुख‎ अधिकाऱ्यांची बैठक घेतली होती. या बैठकीत संबंधितांना‎ आदर्श आचारसंहितेचे पालन करण्याचे निर्देश देण्यात आले‎ होते. मात्र, त्याकडे तुळजापूर नगरपालिकेचे मंगळवारपर्यंत‎ दुर्लक्ष झाल्याचे दिसून येत आहे.‎