निवड‎:चिवडे यांना टिचर‎ इनोव्हेशन अवॉर्ड प्रदान‎

जिल्हा परिषद प्राथमिक शाळा‎ मसला (खुर्द) (ता. तुळजापूर)‎ येथील उपक्रमशील शिक्षक‎ बाळासाहेब चिवडे यांच्या ‘माझा‎ वाढदिवस-शाळेस पुस्तक भेट’ या‎ नवोपक्रमाची राष्ट्रीय स्तरावर निवड‎ झाली होती. त्याबद्दल त्यांना सर‎ फाउंडेशन टिचर इनोव्हेशन नॅशनल‎ अवॉर्ड २०२२ सोलापूर येथील‎ सिंहगड इन्स्टिट्यूट येथे प्रदान‎ करण्यात आला.‎ स्टेट इनोव्हेशन अँड रिसर्च‎ फाउंडेशन अर्थात सर‎ फाउंडेशनच्या वतीने राष्ट्रीय स्तर‎ नवोपक्रम स्पर्धा २०२२ आयोजित‎ करण्यात आली होती. प्राप्त‎ नवोपक्रमांमधून चिवडे यांची निवड‎ झाली होती.

सोलापुरात दोन‎ दिवसीय राष्ट्रीय स्तरावरील‎ एज्युकेशनल नॅशनल‎ कॉन्फरन्समध्ये हा पुरस्कार देण्यात‎ आला. यात समाजसेवक पद्मश्री‎‎‎‎‎‎‎‎ गिरीश प्रभुणे, बालाजी अमाइन्सचे‎ एमडी राम रेड्डी, जागतिक कीर्तीचे‎ ज्येष्ठ वैज्ञानिक डॉ. अरविंद नातू,‎ ज्येष्ठ शिक्षण तज्ञ डॉ. ह. ना.‎ जगताप, साखर आयुक्त महाराष्ट्र‎ राज्य शेखर गायकवाड, प्रशासन‎ अधिकारी डॉ. दीपक माळी,‎ प्राध्यापक डॉ. किरण धांडे, माजी‎ शिक्षण उपसंचालक प्रदीप मोरे,‎ ख्यातनाम प्रयोगशील शिक्षक‎ दत्तात्रय वारे, प्रिसिजन‎ फाउंडेशनच्या अध्यक्षा डॉ.‎ सुहासिनी शहा यांच्या शुभहस्ते‎ सन्मानपूर्वक प्रदान करण्यात आला.‎

सन्मानचिन्ह व प्रमाणपत्र असे‎ पुरस्काराचे स्वरूप आहे. या‎ यशाबद्दल विस्तार अधिकारी‎ दैवशाला शिंदे, केंद्रप्रमुख ऋषी‎ भोसले, मुख्याध्यापक मारुती घंदुरे‎ सर्व शिक्षक, गावचे सरपंच,‎ उपसरपंच, सदस्य, शाळा‎ व्यवस्थापन समिती अध्यक्ष,‎ उपाध्यक्ष, सदस्य व ग्रामस्थांनी‎ अभिनंदन केले.‎