कारवाई‎:दोन लाख रुपयांचा‎ सागवान साठा जप्त‎

अवैधरित्या, विना परवाना दोन ते‎ अडीच लाखाच्या सागवान‎ लाकडाचा साठा उमरगा‎ वनपरिक्षेत्राचे विभागाने जप्त केला.‎ संबधितावर दंडात्मक कारवाई‎ केली.‎‎ तालुक्यातील तुरोरी येथील राजेसाब‎ शेख यांनी वनपरिक्षेत्र कार्यालयाच्या‎ परवानगी शिवाय नऊ घनमीटर‎ सागवान लागडाचा साठा मुळज‎ विभाग वनपरिक्षेत्रील तुरोरीत‎ केल्याचे आढळले. या प्रकरणी‎ युवराज गुंडू माने, नामदेव जमादार‎ पंचासमक्ष शनिवारी (दि.४)‎ पंचनामा केला. वनपरिक्षेत्र‎ अधिकारी राजू शिपे यांचे आदेशाने‎ वनपाल मुक्ता गुट्टे, वनरक्षक‎ नामदेव कोकाटे यांनी कारवाई‎ केली.

प्रभाकर थोरात, निळकंठ‎ रणछत्रे यांनी मदत केली. उमरगा‎ तालुक्यात अवैधरित्या वृक्षतोड‎ होऊ नये या करिता वनपरिक्षेत्र‎ कार्यालयाच्या वतीने कडक मोहीम‎ हाती घेण्यात आल्याने अवैध आणि‎ चोरीचे मार्गाने वृक्षतोड करणाऱ्यांचे‎ धाबे दणाणले आहेत. दरम्यान‎ तालुक्यात चंदनाच्या शकडो‎ झाडांची कत्तल करून चंदनाची‎ चोरी करण्यात आल्याच्या तक्रारी‎ वन परिक्षेत्र विभागाला देऊनही‎ याचा अद्याप शोध लागला‎ नसल्याने संबंधित विभागाने चंदन‎ चोरट्यांवर कारवाई करण्याची‎ मागणी शेतकऱ्यांतून होत आहे.‎