पोलिसांकडून तपास सुरू‎:आई-वडिलांना जिवे मारण्याची धमकी‎ देणाऱ्या मुलाचाच वडिलांनी काढला काटा

मानसिक, कौटुंबिक त्रासाला कंटाळेल्या‎ बापाने मुलाचा दगडाने ठेचून खून‎ केल्याची घटना कळंब तालुक्यातील‎ येरमाळा शिवारात गुरूवारी पहाटे ५‎ वाजेच्या सुमारास घडली. याप्रकरणी‎ पोलिसांनी बापाला अटक केली असून,‎ खुनाचे नेमके कारण काय, याबद्दलचा‎ तपास केला जात आहे.‎ पोलिसांच्या माहितीनुसार, सतीश महादेव‎ बारकूल (५५) यांचा मुलगा रामराजे‎ (२३) हा सतत मानसिक व कौटुंबिक‎ त्रास देत होता.बुधवारी रात्री तो दारु पिऊन ‎घरी‎‎‎‎‎‎ आल्यावर बाप-लेकामध्ये कुरबुर झाली.‎ मुलगा रामराजेने वडिलांसह आईला जीवे‎ मारण्याची धमकी दिली होती.

त्यानंतर तो‎ शेतात निघून गेला, वडील सतीश बारकुल‎ हे रामराजे याच्या त्रासाला कंटाळून गेले‎ होते.त्यातून त्यांनी मुलगा रामराजे यास‎ मारण्याच्या उद्देशाने गुरूवारी पहाटे ५‎ वाजेच्या सुमारास कळंब रोडवरील‎ शेतातील गोठ्यामध्ये झोपलेला असताना‎ डोक्यात दगड घातले.यात रामराजे याचा‎ जागीच मृत्यू झाला.

सतीश बारकुल यांनी‎ त्यांचा लहान भाऊ लालासाहेब महादेव‎ बारकुल यास मुलाचा अंत्यविधी‎ झाल्यानंतर खून केल्याचे सांगितले.‎ लालासाहेब बारकुल यांच्या फिर्यादीवरुन‎ येरमाळा पोलिस ठाण्यामध्ये गुन्हा दाखल‎ करण्याची प्रक्रिया गुरूवारी सायंकाळी‎ सुरू होती. बापानेच मुलाचा खून‎ केल्यामुळे येरमाळ्यात चर्चांना उधाण‎ आले असून, नेमके कारण शोधण्यासाठी‎ पोलिसांनी तपास सुरू केला. पोलिसांनी‎ सतीश बारकुल यांना अटक केली आहे.‎