आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

टोलवाटोलवी:13 खांबांनी अडवली वाट, चार वर्षांपूर्वी‎ आलेला चार कोटी रुपयांचा निधी पडून‎

उस्मानाबाद22 दिवसांपूर्वी
  • कॉपी लिंक

‎सुमारे साडेचार वर्षापूर्वी चार कोटी रूपये ‎मंजूर झालेल्या नवीन रेल्वे स्टेशन रोडची‎ दुरवस्था कायम आहे. निधी मंजूर झाला‎ तरी कामाला सुरूवात होत नसल्याने‎ नागरिकांचे मात्र प्रचंड हाल सुरू आहेत.‎ रस्त्याला अडथळा ठरणारे विजेचे १३‎ खांब एका बाजुला शिफ्ट करण्यासाठी‎ सार्वजनिक बांधकाम विभागाकडून गेल्या‎ काही महिन्यात अनेकदा पत्रव्यवहार‎ करण्यात आला.

मात्र, पालिका म्हणते हे‎ काम बांधकाम विभागाचेच असून,‎ त्याआधी भुयारी गटारच्या कामांसाठी‎ विभागाने लेव्हल काढून द्यावी, यासाठीच‎ आमचा पाठपुरावा सुरू आहे. दरम्यान,‎ या दाेन्ही विभागांच्या गोंधळात‎ नागरिकांचे हाल सुरू आहेत.‎ नवीन रेल्वे स्टेशन मार्गासाठी शरद‎ पवार हायस्कूल ते सनराईज स्कूलपर्यंत‎ सिमेंट व डांबरीकरणासाठी चार‎ वर्षांपूर्वीच निधी मंजूर झाला होता.‎

निविदा प्रक्रियाही राबवण्यात आली. शरद‎ पवार हायस्कूलपासून १.२ किलोमीटर‎ काँक्रिटीकरण आणि त्यापुढे ११०० मीटर ‎डांबरीकरण होणार आहे. मात्र, रस्त्यावर ‎ ‎ येणारे विजेचे १३ खांब काढल्याशिवाय‎ काम करता येणार नाही, हे खांब‎ पालिकेने काढून एका बाजुला बसवावेत, ‎अशी मागणी सार्वजनिक बांधकाम‎ विभागाने केली आहे. त्यामुळे काही‎ ठिकाणी मधोमध येणारे खांब अडचणीचे ‎ठरत आहेत. पालिकेने मात्र हे काम‎ आमचे नाहीच, बांधकाम विभागानेच‎ खांब शिफ्ट करावेत, अशी भूमिका‎ घेतली. त्यामुळे हे खांब हलवण्याची ‎जबाबदारी नेमकी कोणाची, असा प्रश्न ‎आहे.

नागरिकांमध्ये संताप‎
नवीन रेल्वे स्टेशन रोड परिसर झपाट्याने‎ विस्तारत आहे. या भागात नवीन वसाहत‎ वाढत असल्याने लोकसंख्येत भर पडत‎ आहे. मात्र,नवीन रेल्वे स्टेशन हा एकमेव‎ रस्ता या भागातील नागरिकांसाठी‎ असल्याने व रस्त्याची दुरवस्था झाल्याने‎ नागरिकांमधून संताप व्यक्त होत आहे.‎ रस्त्याचे मजबुतीकरण व्हावे, यासाठी‎ नागरिकांनी बांधकाम विभागाकडे‎ पाठपुरावा केला. त्यानंतर निधी मंजूर‎ झाला, मात्र कोरोनात विकास निधीला‎ कात्री लागल्याने कामाला गती येत नव्हती.‎

खांब शिफ्टिंग ही बांधकाम‎ विभागाचीच जबाबदारी‎
खांब शिफ्टिंगचे काम बांधकाम‎ विभागाचे आहे. हा रस्ता त्या विभागाकडे‎ असल्याने खांब काढण्याचे काम त्यांनाच‎ करावे लागेल. तशी कल्पना बांधकाम‎ विभागाला दिली आहे. या रस्त्यावर‎ भुयारी गटार योजनेचे काम करायचे‎ असल्याने त्यांना आम्ही लेव्हल काढून‎ द्यावी, असे सूचवले आहे. त्यासाठी‎ विलंब लागत आहे.-‎ वसुधा फड, मुख्याधिकारी, नगरपरिषद,‎ उस्मानाबाद‎

नागरिकांसाठी प्रसंगी ‎ रस्त्यावर उतरणार ‎
नवीन रेल्वे स्टेशन रोडवरून प्रवास ‎ करणे कठीण झाले आहे. वारंवार ‎ पाठपुरावा करूनही नगरपालिका व ‎ बांधकाम विभागाच्या वादात काम ‎ रखडले. पावसाळ्यात शिक्षक कॉलनी, ‎ रामकृष्ण कॉलनी भागातून स्टेशन ‎ रस्त्यावर पाणी येत असल्याने प्रवास ‎ करणे अशक्य होते. आता या कामासाठी ‎ रस्त्यावर उतरावे लागेल. -‎ राेहित बागल, मराठवाडा उपाध्यक्ष, ‎ संभाजी ब्रिगेड. ‎

बातम्या आणखी आहेत...