गुन्हा दाखल:लोहारा शहरात अंगणवाडीसह‎ चोरट्यांनी चार घरे फोडली‎

शहरात अंगणवाडीसह चार घरे अज्ञात‎ चोरट्यांनी फोडल्याची घटना मंगळवारी रात्री‎ दोनच्या सुमारास घडली. या प्रकरणी लोहारा‎ पोलिस ठाण्यात रात्री उशिरापर्यंत गुन्हा दाखल‎ करण्याची प्रक्रिया सुरू होती.‎ शहरातील प्रभाग ९ मधील दत्ता‎ माळवदकर हे शुक्रवारी रात्री कुटुंबासह‎ पुण्याला गेले होते. चोरट्यांनी त्यांच्या घराचे‎ कुलूप तोडून ऐवज चोरला. घरी कुणीच‎ नसल्याने चोरीला काय गेले, ते कळले नाही.‎ एका व्यक्तीला तीन चोरटे दिसताच त्याने‎ आरडाओरड केली. काही जण घराबाहेर येत‎ चोरट्याच्या दिशेने पळाले. चोरट्यांनी‎ त्यांच्यावर दगडफेक केली.

यात एकाच्या‎ डाव्या पायाला दगड लागला. त्यात चोरटे‎ पसार झाले. तेथून अंगणवाडीचे कुलूप तोडून‎ आतील वस्तू उचकल्या. प्रभाग १० मधील‎ गोरे यांच्या घरातील भाडेकरु चव्हाण हे आठ‎ ते दहा दिवसांपासून गावी असल्याने त्यांचे घर‎ बंद होते. चोरट्यांनी त्यांच्या घराचे कुलूप‎ तोडून कपाटातील सोन्याचे झुमके, अर्धा‎ तोळ्याची अंगठी, साड्या, लहान मुलांचे‎ कपडे चोरले. शिक्षक सदाशिव बचाटे यांच्या‎ घराचे लॉक तोडून घरातील वस्तू उचकल्या.‎ बचाटे हे वरच्या मजल्यावर होते. त्यांच्याही‎ घरातील काही चोरले नाही. त्यांच्या‎ घरासमोरील कृषी सहायक नागेश जट्टे यांच्या‎ घराच्या वरच्या मजल्यावर पवनचक्की‎ कंपनीचे कार्यालय आहे. चोरट्यांनी या‎ कार्यालयाचे कुलूप तोडून कपाट फोडले.‎