होळी:तुळजाभवानी मंदिरात‎ पारंपरिक होळी साजरी‎

तुळजाभवानी मंदिरात सोमवारी (दि. ६) रात्री‎ होमकुंडासमोर पारंपरिक पद्धतीने होळी पेटवण्यात‎ आली. यानंतर शहरातील इतर होळी पेटवण्याची‎ परंपरा आहे. दरम्यान, पौर्णिमेनिमित्त काढण्यात‎ येणारा छबिना होळीमुळे सोमवारी न काढता‎ गुढीपाडव्याच्या दिवशी काढण्याची प्रथा आहे.‎ सायंकाळच्या अभिषेक पूजेनंतर अंगारा‎ काढण्यात आला. यावेळी होमकुंडासमोरील होळीचे‎ पूजन करून होळी प्रज्वलित केली. यावेळी महंत,‎ पुजाऱ्यांसह मंदिर संस्थानचे धार्मिक व्यवस्थापक‎ नागेश शितोळे, मंदिर संस्थानचे कर्मचारी, पुजारी,‎ सेवेकरी, मानकरी उपस्थित होते. तत्पूर्वी‎ सायंकाळच्या अभिषेक पूजेनंतर मातेला महावस्त्र‎ अलंकार घालून धुपारती करण्यात आली. देण्यात‎ येईल, असे आश्वासन दिले.‎

आदिशक्ती मंदिरातील अग्नीने पेटवली होळी‎ : आदिमाया आदिशक्ती मंदिरातील होळीच्या अग्नीने‎ तुळजाभवानी मंदिरातील होळी पेटवण्याची प्रथा‎ आहे. प्रारंभी आदिमाया आदिशक्ती मंदिरातील होळी‎ पेटवतात. त्यानंतर मंदिरातील होळीच्या अग्नीने‎ तुळजाभवानी मंदिरातील होळी पेटवण्यात आली.‎

मध्यरात्री महंतांचा भंडारा
होळीला रात्री उशिरा तुळजाभवानी मातेला महंत‎ तुकोजी बुवा यांचा भंडाऱ्याचा नैवेद्य दाखवण्यात‎ आला. यासाठी रात्री प्रक्षाळ पूजेनंतर बंद केलेले‎ मुख्य मंदिर मध्यरात्री महंतांनी पुन्हा उघडले व नैवेद्य‎ दाखवून परत बंद केले. महंतांचा पाणेरी मठात‎ परड्या भरण्यासह महाप्रसाद व इतर धार्मिक‎ कार्यक्रम होळीच्या रात्री रात्रभर सुरू असते.‎