तुळजापूर नगरी गजबजली:पौर्णिमेच्या मुहूर्तावर तुळजाईनगरी गजबजली‎

रविवारची सुटी व पौर्णिमेचा मुहूर्त साधत लाखांवर‎ भाविकांनी तुळजाभवानी चरणी माथा टेकला.‎ यामुळे पहाटेपासूनच तुळजापूर नगरी गजबजली.‎ पहाटेपासूनच दर्शन मंडप भाविकांच्या गर्दीने‎ ओसंडून वाहत होता. सशुल्क दर्शनास दोन तास‎ लागत होते. गर्दीमुळे दुपारी मंदिर संस्थानला‎ व्हीआयपी दर्शन बंद करावे लागले.‎ गर्दीमुळे पहाटेच दर्शन मंडपाचे सर्व मजले‎ भरून दर्शन रांगा बाहेर आल्या होत्या. दुपारी चार‎ नंतर भाविकांची गर्दी ओसरली.

तत्पूर्वी पहाटे‎ साडेचार वाजता तरणतीर्थ पूजेनंतर मंदिर‎ भाविकांसाठी खुले केले. सायंकाळच्या अभिषेक‎ पूजेनंतर रात्री उशिरा पौर्णिमा निमित्त तुळजाभवानी‎ मातेची छबिना मिरवणूक काढण्यात आली.‎ संबळाच्या कडकडाटात तुळजाभवानी मातेची‎‎‎‎‎‎‎‎‎‎‎‎ चांदीची मूर्ती छबिना वाहनात ठेवून प्रदक्षिणा‎ मार्गावर एक प्रदक्षिणा पूर्ण केली.

यावेळी मोठ्या‎ संख्येने भाविकांची उपस्थिती होती. सुटी व‎ पौर्णिमा एकाच दिवशी आल्याने तुळजापुरात‎ भाविकांची प्रचंड गर्दी होती. शनिवारी सायंकाळी‎ शहरात भाविकांची गर्दी करण्यास प्रारंभ केला‎‎‎‎‎‎‎‎‎‎‎‎ होता. दरम्यान, तुळजाभवानी मंदिर संस्थानने‎ वेळीच निर्णय घेत मंदिर पहाटे एक वाजता न‎ उघडल्याने सकाळी गर्दी वाढून दर्शन रांगेवर ताण‎ आला. मंदिर संस्थानने गर्दी पाहून मंदिर पहाटे एक‎ वाजता उघडण्याची मागणी पुजारी बाळासाहेब‎ भोसले यांनी केली आहे.‎

मंदिर संस्थानचे दुर्लक्ष; दिवसभर‎ दर्शन रांगा संथ गतीने‎
मंदिर संस्थानने दर्शन रांगा गतीने ओढण्याकडे‎ दुर्लक्ष केले होते. त्यामुळे रविवारी दिवसभरदर्शन‎ रांगा संथ गतीने सुरू होत्या.परिणामी धर्म‎ दर्शनाला तीन ते साडेतीन तास वेळ लागत होता.‎ सशुल्क दर्शनाचा हाॅल भरून तीन प्रांगण भरले‎ होते. त्याचवेळी मुख दर्शनाला दोन तासांचा‎ कालावधी लागत होता.