फसवणूक:बनावट सोने तारण ठेवून दोन लाखांची फसवणूक

शहरातील भाऊसाहेब बिराजदार अर्बन बँकेत बनावट सोने तारण करून २ लाख रुपये उचलल्याची घटना घडली. या प्रकरणी मूल्यांकन करणारा सोनार व कर्जदारावर परंडा पोलिस ठाण्यात फसवणुकीचा गुन्हा दाखल करून दोघांना अटक केली. परंडा तालुक्यातील पिंपळवाडी येथील लतीफ शेख यांनी सोन्याच्या ६ बांगड्यांवर कर्ज घेण्यासाठी २७ जुलै २०२२ रोजी भाऊसाहेब बिराजदार अर्बन बँकेच्या परंडा शाखेत आले. अमोल शहाणे यांनी बांगड्यांचे वजन केले असता ७३ ग्रॅम भरले. बट्टा काढून ५८.५६० ग्रॅम वजन भरले. शहाणे यांनी बांगड्या सोन्याच्या असल्याचे सांगितल्याने बँकेने लतीफ शेख यांना सोन्याच्या तारणावर दोन लाख कर्ज मंजूर केले.