दणका‎:बेंबळीतील दोन शाळांना‎ शिक्षणाधिकाऱ्यांचा दणका‎

जिल्ह्यात अनधिकृत शाळा सुरु करण्यात‎ येऊनही शिक्षण विभागाला त्याची कोणतीच‎ खबर नाही. दुसरीकडे नागरिकांनी केलेल्या ‎तक्रारीवर चौकशी केल्यानंतर बेंबळीत एक‎ शाळा अनधिकृत सुरु असल्याने ती बंद‎ करण्याचे आदेश शिक्षणाधिकारी वसुधा‎ साळुंके यांनी देत अनधिकृत शाळेला दणका‎ दिला.

तसेच दुसऱ्या शाळेकडून माहिती‎ मागवली आहे.‎ माहिती नुसार बेंबळी ता. उस्मानाबाद येथे ‎अनधिकृत शाळा सुरु असल्याची तक्रार‎ कलीम शेख यांनी शिक्षण विभागाकडे केली‎ होती. त्यानुसार त्यावर विस्तार अधिकाऱ्यांनी‎ चौकशी केली. त्यात इकरा इंग्लिश स्कूल,‎बेंबळी या शाळेत इयत्ता पहिली ते चौथी‎ पर्यंतची शाळा भरवण्यात येत असून हे वर्ग‎ सुरु करण्यासाठी शिक्षण विभागाची परवानगी‎ घेण्यात आली नसल्याचे समोर आले. त्यावरुन‎ शिक्षणाधिकारी साळुंके यांनी शाळेला नोटीस‎ देत थेट शाळा बंद करण्याचे आदेश दिले‎ आहेत. दिलेल्या आदेशात म्हटले की, विना‎ परवानगी सुरु असलेली अनधिकृत शाळा‎ चालवणे कायद्यानुसार अमान्य आहे.‎

बालकांचा मोफत व सक्तीच्या शिक्षणाचा‎ हक्क अधिनियम २००९ मधील नियम १८‎ मधील पोटनियम पाच मधील तरतुदीनुसार‎ अनधिकृत शाळेच्या व्यवस्थापनास एक लाख‎ रुपये दंड व सुचना देऊनही शाळा बंद न‎ केल्यास दहा हजार रुपये प्रतिदिवशी इतका दंड‎ ठोठावण्याची तरतूद आहे. त्यानुसार आपण‎ तत्काळ शाळा, वर्ग बंद करावा. अन्यथा‎ विद्यार्थ्यांच्या होणाऱ्या शैक्षणिक नुकसानीस‎ आपण जबाबदार धरण्यात येणार असल्याचेही‎ स्पष्ट केले.‎

ग्रा.पं. च्या आदेशाने शाळा सुरु‎
बेंबळीतील दुसरी शाळा आयडीयल नॉलेज‎ फाॅर चिल्ड्रन स्कूल येथील शाळेची ही‎ चौकशी करण्यात आली. यात पूर्वप्राथमिकचे‎ वर्ग ग्रामपंचायत बेंबळी यांच्या परवानगीने सुरु‎ असल्याचे समोर आले. हे वर्ग सुरु‎ करण्यासाठी शिक्षण विभागाची परवानगी‎ घेतल्याची प्रत मागवली आहे. तसेच विलंब‎ झाल्यास ती जबाबदारी शाळेवर असणार‎ असल्याचेही पत्रात स्पष्ट केले आहे.‎