निर्णयाची‎ अंमलबजावणी:रोजगार हमी मजुरांची दोन वेळा ऑनलाइन हजेरी, बोगस कामांना आळा बसणार‎

तालुक्यातील महात्मा गांधी राष्ट्रीय ग्रामीण रोजगार‎ हमी योजनेअंतर्गत सार्वजनिक कामांवरील‎ मजुरांना दोन वेळा ऑनलाइन हजेरी नोंदवणे‎ बंधनकारक करण्यात आले आहे. त्यामुळे‎ भ्रष्टाचाराला आळा बसणार आहे. राज्य सरकारने‎ एक जानेवारीपासून महात्मा गांधी राष्ट्रीय ग्रामीण‎ रोजगार हमी योजनेच्या सार्वजनिक स्वरूपाच्या‎ कामांवरील मजुरांना दोन वेळा ऑनलाइन हजेरी‎ द्यावी लागत आहे. या शासनाच्या निर्णयाची‎ अंमलबजावणीही सुरू झाली आहे.‎ रोहयोच्या कामावरील मजुरांच्या ऑनलाइन हजेरी‎ मुळे बोगस मजुरांना चाप बसून कोट्यावधी‎ रुपयांच्या होणाऱ्या भ्रष्टाचाराला आळा बसणार‎ असल्याचे संकेत मिळत आहे.

तालुक्यात ७४‎ ग्रामपंचायतीच्या वतीने महात्मा गांधी राष्ट्रीय‎ ग्रामीण रोजगार हमी योजने अंतर्गत शेत रस्ते या‎ सारखी सार्वजनिक स्वरूपाची कामे हाती घेण्यात‎ आली होती. ही कामे करताना मजुर ऐवजी‎ जेसीबीच्या साह्याने करुन बोगस मजुरांचे हजेरी‎ पत्रक दाखल करत लाखो रुपये हडपण्याच्या‎ अनेक तक्रारी दाखल झाल्या.

परंतु आता नवीन‎ शासन परिपत्राकामुळे या गोष्टींना लगाम लागत‎ आहे. आता नवीन नियमांमुळे महात्मा गांधी‎ राष्ट्रीय ग्रामीण रोजगार हमी योजने अंतर्गत च्या‎ सार्वजनिक कामांवरील मजुरांची ऑनलाईन‎ हजेरी थेट कामाच्या ठिकाणावरून मोबाईल‎ मधील नॅशनल मॉनिटरिंग सिस्टिम या अॅप मधून‎ नोंदवणे बंधनकारक करण्यात आले आहे.‎

ग्रामपंचायतच्या रोजगार सेवकांनी नॅशनल‎ मॉनिटरिंग सिस्टिम मोबाईल ॲप्लिकेशनचा‎ उपयोग करून आता रोजगार हमी योजनेवर काम‎ करत असलेल्या मजुरांची दिवसातून दोन वेळा‎ हजेरी घेतली जाणार आहे. यामुळे सार्वजनिक‎ ठिकाणच्या कामामधील भ्रष्टाचाराला आळा‎ बसणार आहे.

शासनाच्या या नियमांमुळे रोजगार‎ हमीचीच बोगस कामे करणाऱ्यांना ठेकेदारासह‎ त्यांना पाठीशी घालणाऱ्या यंत्रणेला मोठा फटका‎ बसणार आहे. रोहयो च्या कामावरील मजुरांना‎ २५६ रुपये मजुरी दिली जात आहे. सद्या‎ तालुक्यासह जिल्ह्यातही गोठे, वैयक्तिक सिंचन‎ विहिरी, शेत रस्ते, फळबाग लागवड आदी कामे‎ सुरू आहेत. या ऑनलाइन हजेरी मुळे आता‎ बोगस मजुरांना आळा बसणार आहे.‎

बोगस कामांना आळा बसणार...‎
तालुक्यात रोहयो च्या कामावरून मजुरांची संख्या काही‎ प्रमाणात रोडावलेली दिसून येत आहे. तालुक्यातील ७४‎ ग्रामपंचायतींमध्ये रोहयो ची ९१ कामे सुरू आहे. या‎ कामांवर ६०७ मजूर आहेत. तालुक्यात सद्यःस्थितीत १५‎ शेत रस्ते कामावर २२३ मजुरांनी कामाची मागणी केली‎ आहे. परंतु आता नविन ऑनलाईन हजेरी मध्ये प्रत्यक्ष‎ कामावरील मजुरांची नोंदणी किती होईल हे पुढील‎ आठवड्यात कळणार आहे. तालुक्यात वैयक्तीक‎ पातळीवरील २९ विहिरीवर २०८ मजूर, घरकूल ३० सुरु‎ असून यावर १२१ मजूर आहेत. तसेच १७ गाय गोठे चालू‎ असून या कामावर ५५ मजूर आहेत.‎

वैयक्तिक कामांना नसेल‎ ऑनलाइन हजेरी‎
सार्वजनिक कामावर दोन वेळा‎ ऑनलाइन हजेरी घेण्यात येत असली‎ तरी वैयक्तिक स्वरूपाच्या घरकूल, गाय‎ गोठा व विहिरीच्या कामांवरील मजुरांना‎ मात्र, ऑनलाइन हजेरीतून सूट देण्यात‎ आली आहे. पाणंद रस्ते आदी‎ सार्वजनिक स्वरूपाच्या कामांवर‎ असणाऱ्या मजुरांची उपस्थिती यावर‎ नोंद होणार आहे. त्यासाठी ''मोबाइल‎ अॅप तयार करण्यात आले आहे.‎