प्रचार:विधानसभा निवडणुकीची धामधुम‎ कर्नाटकात, सभा झाली उमरग्यात‎; सीमा भागात 20 गावातील‎ नागरिक शहरात वास्तव्यास‎

तालुक्याच्या सीमेलगतच्या कलबुर्गी ‎ ‎जिल्ह्यातील आळंद तालुका व बिदर ‎ ‎ जिल्ह्यातील बसवकल्याण या दोन ‎ ‎ विधानसभा मतदारसंघातील प्रचारासाठी ‎ ‎ उमरगा येथे सभा, बैठका घेण्यात येत‎ आहेत. सीमेलगतच्या कर्नाटकातील‎ जवळपास २० गावांचे बरेच मतदार‎ व्यवसायानिमित्त उमरग्यात स्थायिक‎ झालेले आहेत.

यामुळे प्रचार सुरू आहे.‎ कर्नाटकच्या सीमेवरील उमरगा तालुका‎ असल्याने येथे कर्नाटकातील अनेक‎ गावातील लोक स्थायिक झाले आहेत.‎ कर्नाटकातील एकंबा, जामगा, उजळंब,‎ गदलेगाव, वडरगा, आळंगा, मन्नाळी,‎ व्हनाळी, चिट्टा, मंठाळ नंदगुर, बटगीर,‎ ‎शिरगुर, लाडवंती, घोटाळ, जाजनगुगळी, ‎ ‎ कोपनहिप्परगा, खजुरी, होदलुर, आणूर, ‎ ‎ तडोळा, प्रतापुर आदी सीमेलगत‎ असलेल्या गावातील बहुतांश नागरिक‎ उद्योग व्यवसायानिमित्त आणि मुलांच्या शिक्षणासाठी उमरगा शहरात वास्तव्यास आहेत.

आळंद आणि बसवकल्याण दोन्ही ‎ ‎ मतदारसंघातील जवळपास दीड ते दोन‎ हजार मतदार असून मतदारांशी संपर्क ‎साधण्यासाठी ज्या-त्या पक्षाचे कार्यकर्ते‎ प्रचार करत आहेत. आळंद‎ विधानसभा मतदारसंघातील‎ काँग्रेस उमेदवार बी. आर.‎ पाटील यांनी नुकतीच‎ शहरातील आईसाहेब मंगल‎ कार्यालयात मतदारांची सभा‎ घेतली. यावेळी राष्ट्रवादी‎ काँग्रेसचे जिल्हाध्यक्ष प्रा.‎ सुरेश बिराजदार, काँग्रेस‎ महिला आघाडी अध्यक्षा‎ संगीताताई कडगंचे, उत्तर‎ प्रदेश काँग्रेसचे शिवकुमार‎ सिंग, निसार अहमद अलम,‎ सोलापूर काँग्रेसचे‎ धवलसिंह मोहिते-पाटील,‎ आळंदचे विजयकुमार‎ हासुरे यासह काँग्रेस‎ पदाधिकारी उपस्थित होते.‎

शेतरस्त्यांचा वापर‎

कर्नाटकात विविध विकास कामांच्या‎ माध्यमातून संपर्कात आलेल्या‎ ठेकेदारांवरही जबाबदारी दिल्याची चर्चा‎ आहे. कर्नाटकातील सीमा नाक्यांवर‎ वाहनांची तपासणी करण्यात येत‎ असल्यामुळे रसद पुरवठा करण्यासाठी‎ दोन राज्यांच्या सीमेदरम्यानच्या पाणंद व‎ शेतरस्त्यांचा वापर केला जात आहे.‎