अल्टिमेटम:महिला आक्रमक, अपसिंगा‎ ग्रामसभेत दारूबंदीचा ठराव‎

तुळजापूर तालुक्यातील अपसिंगा‎ येथे दारूबंदीसाठी महिला आक्रमक‎ झाल्या आहेत. बुधवारी महिला‎ दिनानिमित्त आयोजित ग्रामसभेत‎ दारूबंदीचा दुसऱ्यांचा ठराव घेण्यात‎ आला. दरम्यान, गावात‎ दारूबंदीसाठी महिलांनी पोलिस‎ प्रशासनाला आठ दिवसांचा‎ अल्टिमेटम दिला आहे.‎ अपसिंग्यात अनेक वर्षांपासून राज्य‎ उत्पादन शुल्क विभाग व पोलिस‎ प्रशासनाच्या कृपाशिर्वादाने‎ देशी-विदेशी व गावठी दारूची‎ विक्री सुरू आहे.

यामुळे तरुण पिढी‎ व्यसनाच्या आहारी जात आहे.‎ गावात दारूबंदीचा निर्धार करत‎ यापूर्वी महिलांनी प्रजासत्ताक‎ दिनाच्या ग्रामसभेत ठराव घेतला‎ होता. परंतु गावात दारू विक्री सुरूच‎ असल्याने महिलांनी जागतिक‎ महिला दिनानिमित्त ग्रामसभेत‎ दुसऱ्यांचा दारूबंदीचा ठराव घेतला.‎ याप्रसंगी सरपंच अजित क्षीरसागर,‎ उपसरपंच राहुल साठे, ग्रामसेवक‎ लक्ष्मीकांत सुरवसे, महिला सदस्या‎ प्रयागबाई गोरे, मीरा क्षीरसगार,‎ सोनाली पांचाळ, रतनबाई जाधव,‎ रंजनाबाई रोंगे, सुरेखा गोरे,‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎ दीलपाक जनार्दन आदींसह‎ गावातील शेकडो महिला व ग्रामस्थ‎ उपस्थित होते.‎

पोलिसांची दांडी‎
अपसिंगा ग्रामपंचायतीत यापूर्वी‎ प्रजासत्ताक दिनी ग्रामसभेत‎ दारूबंदीचा ठराव घेऊन पोलिस‎ अधीक्षक, उपविभागीय अधिकारी,‎ राज्य उत्पादन शुल्क विभाग व‎ तुळजापूर पोलिस ठाण्याला निवेदन‎ दिले होते. तरीही गावात दारूबंदी‎ झाली नाही. त्यामुळे महिलांनी‎ बुधवारी महिला दिनी दुसऱ्यांदा‎ दारूबंदीचा ठराव घेतला. या‎ ग्रामसभेत ग्रामपंचायत व महिला‎ पोलिसांना जाब विचारणार होत्या.‎ त्यामुळे सभेला हजर राहण्याबाबत‎ पोलिस प्रशासनाला कळवूनही‎ त्यांनी सभेला दांडी मारली.‎

... तर ठाण्यावर धडक‎
अपसिंगा ग्रामपंचायतीने बुधवारी‎ गावात दारूबंदीचा ठराव घेतला‎ आहे. गावातील महिलांनी आठ‎ दिवसांचा अल्टिमेटम दिला आहे.‎ येत्या आठ दिवसात दारू बंद न‎ केल्यास तुळजापूर पोलिस ठाणे व‎ जिल्हाधिकारी कार्यालयावर धडक‎ मोर्चा काढण्यात येणार आहे. -‎ अजित क्षीरसागर , सरपंच,‎ अपसिंगा.‎