विद्यार्थ्यांत‎ हाणामारी:लातूर शहरातील शाळेत विद्यार्थ्यांत‎ हाणामारी; दोन जण गंभीर जखमी‎

लातूर येथील स्वामी विवेकानंद‎ नामांकित इंग्रजी शाळेत कळमनुरी व‎ छत्रपती संभाजीनगरच्या‎ विद्यार्थ्यांमध्ये वाद झाल्याने‎ ‎ हाणामारीची घटना‎ ‎ घडली. यात‎ ‎ कळमनुरीचे दोन‎ ‎ विद्यार्थी गंभीर‎ ‎ जखमी झाले.‎ ‎ त्यांना‎ उपचारासाठी रुग्णालयात हलवण्यात‎ आले. या प्रकरणाच्या चौकशीसाठी‎ आता कळमनुरीचे पथक सोमवारी‎ (६ मार्च) लातूर येथे रवाना होणार‎ आहे.‎ याबाबत सूत्रांनी दिलेल्या‎ माहितीनुसार, कळमनुरी आदिवासी‎ प्रकल्प कार्यालय अंतर्गत सुमारे ३२५‎ विद्यार्थी लातूर येथील स्वामी‎ विवेकानंद नामांकित इंग्रजी शाळेत‎ शिक्षणासाठी दाखल करण्यात आले‎ आहेत. याच शाळेमध्ये छत्रपती‎ संभाजीनगर येथील विद्यार्थीदेखील‎ आहेत. इयत्ता दुसरी ते बारावीपर्यंतचे‎ विद्यार्थी या ठिकाणी शिक्षणासाठी‎ ठेवण्यात आले आहेत.‎ दरम्यान, मागील दोन दिवसांपासून‎ कळमनुरी व छत्रपती संभाजीनगर‎ येथील विद्यार्थ्यांमध्ये वाद सुरू हाेता.‎ किरकोळ कारणावरून सुरू‎ असलेल्या वादाचे पर्यवसान‎ हाणामारीत झाले. शनिवारी रात्री‎ झालेल्या या हाणामारीत कळमनुरी‎ प्रकल्पाचे दोन विद्यार्थी गंभीर जखमी‎ झाले. त्यांना उपचारासाठी लातूर‎ येथील रुग्णालयात हलविण्यात‎ आल्याचे कळमनुरीचे आदिवासी‎ प्रकल्प अधिकारी छंदक लोखंडे‎ यांनी सांगितले. दरम्यान, या घटनेच्या‎ चौकशीसाठी कळमनुरी प्रकल्प‎ कार्यालयाच्या अधिकाऱ्यांची एक‎ पथक सोमवारी तारीख सहा‎ चौकशीसाठी लातूर येथे पाठविले‎ जाणार आहे. या चौकशीनंतरच‎ पुढील प्रक्रिया केली जाणार‎ असल्याचे लोखंडे यांनी सांगितले.‎