आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

धक्कादायक:हिंगोलीत महिलेच्या डोक्यात दगड घालून खून; संशयितांच्या मागावर पोलिसांची पथके रवाना

हिंगोली14 दिवसांपूर्वी
  • कॉपी लिंक

हिंगोली जिल्ह्यातल्या औंढा तालुक्यातील टेंभूरदरा शिवारामध्ये एका महिलेचा डोक्यात दगड घालून खून केल्याची घटना सोमवारी उघडकीस आली. अहिल्याबाई खुडे (वय 72) असे मृत महिलेचे नाव आहे.

पोलिसांनी दिलेल्या माहितीनुसार, औंढा नागनाथ तालुक्यातील टेंभुरदरा शिवारामध्ये अहिल्याबाई व त्यांची सून शांताबाई या कुटुंबियासह आखाड्यावर राहतात. रविवारी सायंकाळच्या सुमारास किरकोळ कारणावरुन काहीजणांनी शांताबाई यांना मारहाण केली. त्यामुळे त्या जखमी झाल्या. त्यांना उपचारासाठी नांदेडला हलवण्यात आले.

कशी घडली घटना

शेतातील आखाड्यावर अहिल्याबाई एकट्याच होत्या. आज सकाळी काही शेतकऱ्यांना अहिल्याबाई यांचा मृतदेह आखाड्याजवळ आढळून आला. त्यांच्या तोंडावर व डोक्यावर दगडाने वार केल्याचे दिसून आले. या घटनेची माहिती कळमनुरी पोलिसांना दिली. या घटनेची माहिती मिळताच पोलिस अधीक्षक एम. राकेश कलासागर सहाय्यक पोलिस अधीक्षक यतीश देशमुख, कळंबोली पोलिस ठाण्याचे निरीक्षक सुनील निकाळजे, जमादार चाटसे, प्रशांत शिंदे, वाखारे यांच्या पथकाने घटनास्थळी भेट दिली.

पोलिसांचा सुरू आहे तपास

अहिल्याबाई यांचा खून कोणत्या कारणामुळे झाला याचा शोध पोलिसांनी सुरू केला आहे. पोलिसांनी परिसरातील आखाडा वरील शेतकऱ्यांचा जबाब घेण्यास सुरुवात केली आहे. तर शांताबाई यांच्या माहितीनंतर नेमके खुनाचे काय कारण आहे, याची माहिती मिळणार असल्याचे पोलिसांनी सांगितले. दरम्यान या प्रकरणात पोलिसांनी एका संशयिताचा शोध सुरू केला असून, त्याच्या मागावर पोलिसांची पथके रवाना करण्यात आली आहेत. शेताच्या कारणावरुन हा खून झाला असावा अशी शक्यता पोलिसांनी व्यक्त केली आहे..

बातम्या आणखी आहेत...