‎टंचाईतून मुक्ती:भुसावळ ग्रामीणचे 22 हजार नागरिक‎ पिणार 19.5 कोटींच्या योजनेचे पाणी

‎ पालिका व ग्रामपंचायतीच्या हद्दीत‎ समाविष्ट नसलेल्या शहरातील भुसावळ‎ ग्रामीण भाग, प्रांताधिकाऱ्यांच्या‎ अखत्यारीत येतो. या भागासाठी महाराष्ट्र‎ जीवन प्राधिकरणाच्या माध्यमातून‎ पाणीपुरवठा योजना राबवली जात आहे.‎ तब्बल १९ कोटी ५७ लाख ५८ हजारांच्या‎ निधीतून राबवल्या जाणाऱ्या या योजनेतून‎ भुसावळ ग्रामीणमधील, २२ हजार‎ लोकसंख्येची तहान भागेल. या‎ योजनेसाठी तापी नदीच्या पिंप्रीसेकम‎ येथील पात्रातून पाणीउचल केली जाणार‎ आहे. तब्बल ३५ हजार ४१४ मीटर‎ अंतराची पाइपलाइन, सात लाख लिटर‎ क्षमतेचे तीन जलकुंभ या योजनेवर‎ असतील.

डिझाइनचे काम सुरु‎
ग्रामीण पाणीपुरवठा योजनेसाठी निविदा प्रक्रिया‎ अंतिम टप्प्यात आहे. महाराष्ट्र जीवन प्राधिकरण‎ विभागाने आता ३ लाख लिटरचे दोन तर १ लाख‎ लिटरचा एक असे तीन जलकुंभ उभारणीसाठी‎ विविध भागांतील सॉईल टेस्टसाठी नमुने घेतले‎ आहे. तसेच जलकुंभांची उभारणीसाठी डिझाईन‎ तयार केले जात आहे. सॉईल टेस्टच्या‎ अहवालानंतर जलकुंभ उभारणीसाठी जागा‎ निश्चित होईल. या भागासाठी सात हजार‎ लिटरचे तीन जलकुंभ असतील.‎

पाइपांची मागणी नोंदवली‎
पिंप्रीसेकम येथील तापी पात्रात जॅकवेल उभारुन जलस्त्रोत‎ उपलब्ध केला जाणार आहे. जॅकवेल पासून जलशुद्धीकरण‎ केंद्र व तेथून जलकुंभापर्यंत एकूण ३५ हजार ४१४ मीटर‎ एचडीपीई पाइप वापरला जाणार आहे. मजीप्राने शासनाकडे‎ पाइपांची मागणी नोंदवली आहे.‎ एस. पी. लोखंडे, उपविभागीय अभियंता, मजीप्रा, भुसावळ‎

अमृत योजनेपूर्वी होणार पाणीपुरवठा‎
भुसावळ ग्रामीणसाठी पाणीपुरवठ्याची यंत्रणा नाही. हा‎ भाग शहरात असला तरी पालिका हद्दीत येत नसल्याने‎ अमृत योजनेत समावेश करता येत नाही. यामुळे या‎ भागातील किमान २२ ते २५ हजार लोकसंख्येसाठी स्वतंत्र‎ यंत्रणा मंजूर केली. शहरातील अमृत योजनेपुर्वी ही योजना‎ सुरु होईल. - संजय सावकारे, आमदार‎

या भागासाठी योजना
‎ग्रामीण पाणीपुरवठा योजनेवरुन‎ महामार्गावरील माळी समाज हॉल‎ परिसर, यामागील पुजा कॉम्पेलक्सव‎ परिसरातील वस्त्या, पांडुरंगनाथनगर,‎ ;शिवपूर कन्हाळे रोडवरील‎ आरएमएस कॉलनी व परिसर,‎ गुलमोहर प्रेस्टीज फेज चारचा भाग,‎ शिवपूर कन्हाळे रोडवरील घोडेपीर‎ बाबा दर्गा परिसरातील वाढीव‎ वस्त्यांना योजनेला लाभ मिळेल.‎

अशी असेल योजना‎
३.५ टीएमएलसी क्षमतेचे‎ शुद्धीकरण केंद्र‎१२ मीटर उंचीचे सात लाख‎ लिटर क्षमतेचे तीन जलकुंभ‎७५, ९०, ११०, १४० व १६० मीटर‎ व्यासाची एचडीपीई पाइपलाइन‎रुळ क्रॉसिंगसाठी६० ० मिमी‎ एचडीपीई पाइपचा वापर‎तापीपात्रात जॅकवेलसह १२०‎ मीटर लांबीचा अप्रोच ब्रीज