प्रवेश:आरटीइमधील 300‎ जागा, अर्जांना प्रारंभ‎

आरटीई कायद्यांतर्गत‎ तालुक्यातील २० शाळांमध्ये‎ ३०० जागांवर विद्यार्थ्यांना मोफत‎ प्रवेश दिले जाणार आहेत.‎ आर्थिक व दुर्बल घटकांतील‎ मुलांसाठी २५ टक्के जागा‎ राखीव जागांवर, १ मार्चपासून‎ ऑनलाइन अर्जासाठी सुरुवात‎ झाली आहे. १७ मार्चपर्यंत‎ पालकांना ऑनलाइन अर्ज‎ करता येणार आहे.‎ बुधवारी (दि. १) ऑनलाइन‎ प्रवेश अर्ज भरण्यास सुरवात‎ झाली असून, यासाठी १७‎ मार्चपर्यंत मुदत देण्यात आली‎ आहे.

ऑनलाइन अर्ज‎ करण्याची मुदत संपल्यानंतर‎ संचालक कार्यालयामार्फत‎ राज्यस्तरावर संपूर्ण राज्याची‎ ऑनलाइन लॉटरी काढण्यात‎ येईल. व त्यामध्ये निवड यादी व‎ प्रतीक्षा यादी जाहीर करण्यात‎ येईल .तालुकास्तरावरील‎ पडताळणी समितीमार्फत निवड‎ झालेल्या मुलांच्या कागदपत्रांची‎ पडताळणी करण्यात येऊन पात्र‎ उमेदवारांचा प्रवेश अंतिम‎‎‎‎‎‎‎‎‎‎‎‎‎‎‎‎‎‎‎‎‎‎‎‎ करण्यात येईल. पालकांनी‎ अधिक माहितीसाठी गटसाधन‎ केंद्रात संपर्क साधावा, असे‎ आवाहन गट शिक्षणाधिकारी‎ किशोर वायकोळे यांनी केली‎ आहे.‎

या शाळांमध्ये प्रवेश‎
डॉ. उल्हास पाटील‎ स्कूल,आदर्श प्रायमरी स्कूल,‎ सीआरडब्ल्यूडब्ल्यूओ संस्कृती‎ स्कूल, एन. के. नारखेडे इंग्लिश‎ स्कूल, पंडीत नेहरु प्रायमरी‎ स्कूल वराडसीम, सरदार पटेल‎ स्कूल, श्रीनाथ इंग्लिश स्कूल‎ वरणगाव, स्वामीनारायण‎ गुरुकूल, स्वामी नारायण गुरुकूल‎ मराठी मीडियमसाकेगाव, ताप्ती‎ स्कूल, द वर्ल्ड स्कूल स्कूल‎ किन्ही, बियाणी इंगिल्श‎ मीडियम, बियाणी मराठी‎ मीडियम, चाटे स्कूल वरणगाव,‎ श्रीराम प्रायमरी स्कूल कुऱ्हे‎ पानाचे, बियाणी पब्लिक स्कूल,‎ दादासाहेब दामू पांडू पाटील‎ विद्यामंदिर सुनसगाव, श्री‎ गुरुकृपा इंग्लिश स्कूल, संस्कार‎ इंग्लिश मीडियम स्कूल तळवेल.‎