आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

संपाचा परिणाम:उत्तर भागाची 3.30 तास बत्ती गूल; बिघाड‎ दुरुस्तीसाठी अर्धाऐवजी लागले दोन तास‎

भुसावळ‎एका महिन्यापूर्वी
  • कॉपी लिंक

वीज कर्मचाऱ्यांच्या संपाला शहरात‎ १०० टक्के प्रतिसाद मिळाला.‎ महावितरणचे विभागातील ३८०‎ कर्मचारी संपात सहभागी झाले. तर‎ दीपनगर औष्णिक वीजनिर्मिती‎ केंद्रातील १२५० कर्मचाऱ्यांनी संपात‎ सहभाग नोंदवला. दीपनगरातील‎ वीज निर्मितीवर परिणाम झाला‎ नसला तरी भुसावळ शहरातील‎ वीजपुरवठ्याचा खोळंबा झाला.‎ खेडी १३२ सबस्टेशनवरुन तापी नगर‎ सबस्टेशनला पुरवठा करणाऱ्या ३३‎ केव्ही लाइनमध्ये बिघाड झाल्याने‎ उत्तर भागातील वीजपुरवठा तब्बल ‎ ‎ साडेतीन तास खंडित झाला.‎ शहरातील सर्वच भागात फ्यूज‎ बिघाड व किरकोळ कारणांमुळे‎ खंडित झालेला वीजपुरवठा सुरळीत ‎ ‎ होण्यासाठी अर्धा तासाऐवजी दोन‎ तास प्रतीक्षा करावी लागली.‎ खासगीकरणाला विरोध व‎ विविध प्रलंबित मागण्यांसाठी वीज ‎ ‎ कर्मचाऱ्यांनी ७२ तासांचा संप सुरु ‎ ‎ केला. पहिल्याच दिवशी या संपाने ‎ ‎ शहरातील वीजपुरवठ्याचा फज्जा ‎ ‎ उडाला. शहरातील उत्तर व दक्षिण ‎ ‎ भागातील वीजपुरवठा सहा वेळा‎ ट्रिप झाला. दुपारी अडीच वाजेच्या‎ सुमारास खेडी १३२ केव्ही‎ सबस्टेशनवरुन तापी नगर ३३ बाय‎ ११ केव्ही सबस्टेशनला पुरवठा‎ करणाऱ्या ३३ केव्ही वाहिनीवर‎ बिघाड झाला.

कर्मचारी नसल्याने परमीटसाठी कार्यकारी अभियंता स्वत: गेले‎ खेडी १३२ केव्ही सबस्टेशन ते तापीनगर सबस्टेशनदरम्यान झालेल्या बिघाडामुळे उत्तर भागातील वीजपुरवठा‎ खंडित झाला. अशा स्थितीत परमीट देण्यासाठी वायरमन कर्मचारी घटनास्थळी किंवा सबस्टेशनमध्ये जातो.‎ पण, हे कर्मचारी नसल्याने परमीट देण्यासाठी स्वत: कार्यकारी अभियंता प्रदीप घोरुडे यांना जावे लागले. खेडी ते‎ नाहाटा चौफुलीदरम्यानच्या तपासणी कामात ते स्वत: हजर होते.‎

दीपनगर केंद्रातून ८००‎ मेगावॅट वीजपुरवठा‎ दीपनगर औष्णिक‎ केंद्रातील ५०० मेगावॅट क्षमतेचे संच‎ क्रमांक चार आणि पाच कार्यान्वित‎ होते. केंद्रातील तब्बल १२५०‎ कर्मचारी, अभियंत्यांनी संपात‎ सहभाग घेतला. महानिर्मितीने‎ संपाच्या पार्श्वभूमीवर मुंबई‎ मुख्यालय, मे. भेल आणि‎ सेवानिवृत्त अभियंत्यांचा समावेश‎ असलेली सुमारे ९० जणांची टीम‎ सज्ज ठेवली होती. यामुळे‎ संपादरम्यान दीपनगरातील दोन्ही‎ संचांतून८०० मेगावॅट वीजनिर्मिती‎ झाली.दीपनगर केंद्रात मंगळवारी‎ रात्री १२ वाजेपासून वीज‎ कामगारांनी संप सुरु केला.‎ महानिर्मितीने संपात सहभागी‎ असलेल्या कर्मचाऱ्यांच्या जागी मे.‎ भेल,मुंबई मुख्यालय व सेवानिवृत्त‎ अभियंत्यांना पाचारण केले. ९०‎ जणांचे पथक प्रत्येक शिफ्टमध्ये‎ विभागून देण्यात आले होते.‎ यासोबतच ठेकेदाराचे कर्मचारी‎ सहभागी असल्याने वीजनिर्मितीवर‎ कोणताही परिणाम झाला नाही.‎ दरम्यान दुपारी साडेचार वाजता‎ संपावर तोडगा निघाला. रात्रीच्या‎ शिफ्टवर कामगार हजर झाल्याची‎ माहिती प्रशासनाने दिली. दीपनगर‎ औष्णिक वीजनिर्मिती केंद्रावर‎ संपाचा परिणाम झाला नाही, अशी‎ माहिती मुख्य अभियंता मोहन‎ आव्हाड यांनी दिली.‎

दुरुस्तीची कामे करताना ठेकेदाराचे कर्मचारी. दुसऱ्या छायाचित्रात संपकरी कर्मचारी.‎ बँकेचे कामकाजही ठप्प‎ उत्तर भागातील वीजपुरवठा खंडित‎ झाल्याने पंचमुखी हनुमान‎ मंदिराजवळ असलेल्या स्टेट बँक‎ ऑफ इंडियाचे कामकाज ठप्प झाले.‎ महिन्याचा पहिला आठवडा‎ असल्याने बँकेत पेन्शनर्स‎ कर्मचाऱ्यांची गर्दी होती. वीजपुरवठा‎ खंडित झाल्यानंतर बँकेकडे जनरेटर‎ किंवा इर्न्व्हटरची सक्षम सुविधा‎ नसल्याने यंत्रणा बंद झाली. यामुळे‎ ग्राहकांनी संताप व्यक्त केला.‎ कर्मचाऱ्यांचे धरणे,‎ सरकारविरुद्ध निदर्शने‎ संपात सहभागी कर्मचाऱ्यांनी‎ तापीनगरातील कार्यकारी अभियंता‎ कार्यालयासमोर ठिय्या मांडला.‎ शासनाचे खासगीकरण धोरण,‎ तिन्ही कंपन्यांचे समांतर वीज‎ परवाना देण्याचा प्रयत्नांचा निषेध व‎ निदर्शने केली. महाराष्ट्र राज्य वीज‎ कर्मचारी, अधिकारी संघर्ष‎ समितीमधील सर्व ३० युनियनचे‎ पदाधिकारी उपस्थित होते.‎

४० तक्रारींचे निवारण‎ महावितरणकडे बुधवारी सायंकाळी‎ ५ वाजेपर्यंत बिघाडाच्या सुमारे ४०‎ तक्रारी दाखल झाल्या. सर्वाधिक‎ प्रोफेसर कॉलनीतील सहा ठिकाणी‎ बिघाड झाला. महावितरणचे‎ कर्मचारी किरकोळ बिघाड‎ दुरुस्तीसाठी अर्धा तासाचा वेळ‎ घेतात. पण, प्रशिक्षणार्थी‎ कर्मचाऱ्यांकडून हा बिघाड‎ दुरुस्तीसाठी एक ते दोन तासांचा‎ वेळ लागला.‎

बँकेचे कामकाजही ठप्प‎ उत्तर भागातील वीजपुरवठा खंडित‎ झाल्याने पंचमुखी हनुमान‎ मंदिराजवळ असलेल्या स्टेट बँक‎ ऑफ इंडियाचे कामकाज ठप्प झाले.‎ महिन्याचा पहिला आठवडा‎ असल्याने बँकेत पेन्शनर्स‎ कर्मचाऱ्यांची गर्दी होती. वीजपुरवठा‎ खंडित झाल्यानंतर बँकेकडे जनरेटर‎ किंवा इर्न्व्हटरची सक्षम सुविधा‎ नसल्याने यंत्रणा बंद झाली. यामुळे‎ ग्राहकांनी संताप व्यक्त केला.‎ कर्मचाऱ्यांचे धरणे,‎ सरकारविरुद्ध निदर्शने‎ संपात सहभागी कर्मचाऱ्यांनी‎ तापीनगरातील कार्यकारी अभियंता‎ कार्यालयासमोर ठिय्या मांडला.‎ शासनाचे खासगीकरण धोरण,‎ तिन्ही कंपन्यांचे समांतर वीज‎ परवाना देण्याचा प्रयत्नांचा निषेध व‎ निदर्शने केली. महाराष्ट्र राज्य वीज‎ कर्मचारी, अधिकारी संघर्ष‎ समितीमधील सर्व ३० युनियनचे‎ पदाधिकारी उपस्थित होते.‎

ढगाळ वातावरण पिकांना घातक, गव्हावर कीडरोग वाढणार‎ गव्हावर किडरोगाचा प्रादूर्भाव वाढू शकेल. ढगाळ वातावरणामुळे रब्बीच्या गहू‎ पिकावर किटकजन्य व बुरशीजन्य आजार वाढण्याची भिती आहे. असे ढगाळ‎ वातावरण अधिक काळ राहिल्यास गव्हावर तांबेरा तर हरभऱ्यावर घाटेअळीचा‎ प्रादूर्भाव होण्याची भिती शेतकऱ्यांनी वर्तवली आहे.‎

बातम्या आणखी आहेत...