दिव्य मराठी विशेष:नियमित कर्ज फेड करणारे 40 हजार‎ शेतकरी ठरू शकतात अनुदानास पात्र‎; नवीन निकषात करदात्यांना वगळणार‎

पीककर्जाची नियमित परतफेड‎ करणाऱ्या शेतकऱ्यांना येत्या १‎ जुलैपासून ५० हजार रुपयांचे सानुग्रह‎ अनुदान दिले जाणार आहे. त्यासाठी‎ शासनाने निकष ठरवण्याचे काम‎ हाती घेतले. जिल्ह्यातील ८६ हजार‎ शेतकऱ्यांची यादी शासनाकडे‎ पाठवण्यात आली आहे. करदाते,‎ नोकरदार, लोकप्रतिनिधी यासारख्या‎ निकषांत यातील ४० हजार‎ शेतकरीच पात्र ठरण्याचा अंदाज‎ यंत्रणेला आहे.‎ जिल्ह्यात २०१७-१८ ते २०१९-२०‎ या काळात ८६ हजार ७३४‎ शेतकऱ्यांनी नियमित कर्जफेड‎ केली. शासनाने यंदाच्या‎ अर्थसंकल्पात नियमित परतफेड‎ करणाऱ्या शेतकऱ्यांना प्रत्येकी ५०‎ हजार रूपयांचे अनुदान देण्याची‎ घोषणा केली आहे. त्यासाठी १०‎ हजार कोटींची तरतूद करण्यात‎ आली आहे. यात जिल्हानिहाय पात्र ‎शेतकऱ्यांची माहिती सहकार ‎विभागामार्फत मागवण्यात आली. ‎ ‎

अनुदान देण्यासाठी शासनाने‎ अजुनही शासन आदेश काढलेला‎ नसून निकष निश्चित केलेले नाहीत. ‎शासनाकडून जे निकष लावले‎ जाणार आहेत, त्यात अत्यंत कमी ‎शेतकऱ्यांना या योजनेचा लाभ मिळू ‎शकताे. जिल्ह्यात ४० हजारांपेक्षाही‎ कमी शेतकरी या योजनेसाठी पात्र ‎ठरण्याची शक्यता आहे. पीककर्ज ‎घेवून दरवर्षी नियमित परतफेड करणाऱ्या शेतकऱ्यांत बहुतांश‎ शेतकरी हे नोकरदार आहेत.‎

पुन्हा लाभ घेणारे शेतकरी‎ वगळणार‎ देवेंद्र फडणवीस सरकारने सन‎ २०१७ मध्ये जाहीर केलेल्या‎ कर्जमाफी योजनेत जिल्ह्यात ८६‎ हजार ३५९ नियमित कर्जफेड‎ करणाऱ्या शेतकऱ्यांना २५ हजार‎ रूपयांचे अनुदान देण्यात आले होते.‎ त्या शेतकऱ्यांना या योजनेत पुन्हा‎ लाभ मिळण्याची शक्यता नाही.‎

कोरोनात थकले कर्ज : नियमित कर्जफेड करणाऱ्या बहुतांश‎ शेतकऱ्यांचे कोरोना काळात कर्ज थकले होते. त्यामुळे नियमित‎ कर्जफेडीसाठी शासन किती वर्ष सलग परतफेड केलेली असावी,‎ कोणत्या वर्षापर्यंत परतफेड असावी याचे निकष निश्चित करीत आहे.‎ त्यावरच लाभार्थ्यांची संख्या ठरेल. दरम्यान, २०१७ ते मार्च २०२२ हा‎ कालावधी निश्चित झाल्यास लाभार्थ्यांची संख्या अवघ्या १० टक्क्यांवर‎ येण्याची शक्यता वर्तविली जाते आहे.‎

जिल्हा बँकेचे ७०‎ हजार खातेदार शेतकरी‎ शासनाकडे पाठवण्यात‎ आलेल्या ८६ हजार‎ शेतकऱ्यांपैकी ७० हजार‎ नियमित परतफेड करणारे ७०‎ हजार शेतकरी हे जिल्हा‎ मध्यवर्ती बँकेचे खातेदार आहेत.‎ तर १६ हजार शेतकरी अन्य‎ बँकांचे खातेदार आहेत.‎