उपक्रम:भुसावळात 554 श्री सदस्यांनी केले‎ श्रमदान, 10 टन कचऱ्याचे संकलन‎

महाराष्ट्र भूषण डॉ. नानासाहेब‎ धर्माधिकारी यांच्या जन्मशताब्दी‎ वर्षपूर्तीनिमित्त नानासाहेब धर्माधिकारी‎ प्रतिष्ठान, श्री संप्रदायातर्फे बुधवारी‎ (दि. १) भुसावळ विभागात‎ महास्वच्छता अभियान राबवण्यात‎ आले. भुसावळ शहरात ५५४ श्री.‎ सदस्यांनी तब्बल १०.६४ टन कचरा‎ संकलीत केला. तहसील कार्यालय,‎ पंचायत समितीसह १३ शासकीय‎ कार्यालयांसह शहरातील प्रमुख‎ रस्त्यांवर स्वच्छता अभियान‎ राबवण्यात आले.‎ पद्मश्री विभूषित महाराष्ट्र भूषण‎ डॉ.आप्पासाहेब धर्माधिकारी व डॉ.‎ सचिन धर्माधिकारी यांच्या मार्गदर्शनात,‎ भुसावळात ५५४ श्री सदस्यांनी‎ स्वच्छता अभियानात सहभाग घेतला.‎‎‎‎‎‎‎‎‎‎‎‎‎‎‎

२०२३ हे वर्ष महाराष्ट्र भूषण डॉ.‎ नानासाहेब धर्माधिकारी यांचे‎ जन्मशताब्दी वर्ष म्हणून साजरे‎ करण्यात येत आहे. या वर्षभरात डॉ.‎ नानासाहेब धर्माधिकारी प्रतिष्ठान‎ मार्फत विविध समाज उपयोगी‎‎‎‎‎‎‎‎‎‎‎‎‎‎‎ कार्यक्रमांची आखणी भुसावळ‎ विभागात होत आहे. त्याचाच एक भाग‎ म्हणून शहरातील सर्व शासकीय‎ कार्यालये व प्रमुख रस्त्यांची स्वच्छता‎ करण्यात आली. शासकीय‎ कार्यालयांसह शहरातील प्रमुख‎‎‎‎‎‎‎‎‎‎‎‎‎‎‎ रस्त्यांवर एकाचवेळी ५५४ श्री‎ सदस्यांनी स्वच्छता करुन १०.६४ टन‎ कचरा संकलित केला. घनकचरा‎ व्यवस्थापन प्रकल्पापर्यंत कचरा‎ आणला. माजी नगरसेवक निर्मल‎ कोठारी, दुर्गेश ठाकूर यांनी भेट दिली.

या ठिकाणी स्वच्छता‎
तहसील, पंचायत समिती, पोलिस‎ ठाणे, भूमापन विभाग, न्यायालय, प्रांत‎ कार्यालय, डीवाएसपी कार्यालय,‎ पालिका, विश्रामगृह, बसस्थानक,‎ पालिका रुग्णालय, बाजार समिती व‎ राज्य उत्पादन शुल्क विभागाच्या‎ कार्यालय, रेल्वे स्थानक ते नाहाटा‎ चौफुली, लोखंडी पूल ते गांधी चौक,‎ गांधी पुतळा ते कंडारी रोड, गांधी‎ पुतळा ते मोरेश्वर नगर, डॉ. मुखर्जी‎ उद्यान, यावलरोड येथे स्वच्छता केली.‎