ग्वाही‎:इक्वॅलिटी रनसाठी 600 महिलांची नोंदणी‎

येथील भुसावळ स्पोर्ट्स अँड रनर्स‎ असोसिएशनतर्फे १२ मार्च रोजी लेडीज‎ रनचे आयोजन करण्यात आले आहे.‎ आतापर्यंत ६०० हून अधिक महिलांनी‎ यात नावनोंदणी केली असून,‎ कार्यक्रमाची तयारी अंतिम टप्प्यात आहे.‎ सहभागी स्पर्धकांसाठी आयोजकांतर्फे‎ दर मंगळवार, गुरुवार व रविवारी सराव‎ सत्राचे आयोजन केले जाते.‎ डीवायएसपी सोमनाथ वाघचौरे यांनी‎ या उपक्रमाचे कौतुक केले.

इतक्या‎ मोठ्या प्रमाणात महिला एकत्र धावत‎ आहेत व आरोग्यासाठी जनजागृती‎ करत आहेत याबद्दल त्यांनी समाधान‎ व्यक्त केले. १२ मार्च रोजी होणाऱ्या‎ कार्यक्रमासाठी आयोजकांना पोलिस‎ विभागाचे संपूर्ण सहकार्य राहील. तसेच‎ महिलांसाठी हा रन एक सन्मान रन‎ राहील अशी माहिती त्यांनी दिली.‎‎‎‎‎‎‎‎‎‎‎‎‎‎‎ सुरक्षेच्या दृष्टीने रस्त्याची एक बाजू‎ धावपटूंसाठी मोकळी ठेऊ असे देखील‎ त्यांनी सांगितले. सर्व सत्रामध्ये वॉर्मअप‎ नंतर रनिंगचा सर्व घेण्यात आला. नंतर‎ स्ट्रेचिंग व्यायाम प्रकार घेतले जातात.‎ यावेळी डीवायएसपी सोमनाथ वाघचौरे‎ यांनीही पुरुष धावपटूंसोबत स्ट्रेचिंग‎‎‎‎‎‎‎‎‎‎‎‎‎‎‎ केली. रनर्स असोसिएशनतर्फे प्रवीण‎ फालक यांनी त्यांचे स्वागत केले.‎ यावेळी डॉ.चारुलता पाटील, डॉ.नीलिमा‎ नेहेते, प्रवीण वारके, स्वाती फालक,‎ पूनम भंगाळे, पूनम कुलकर्णी, प्रवीण‎ पाटील व १२५पेक्षा अधिक महिला‎ स्पर्धक उपस्थित होत्या.‎