गरीब कुटुंबाला आला‎ माणुसकीचा प्रत्यय‎:गुजरातहून छत्तीसगडला जाणाऱ्या‎ महिलेची यावलमध्ये सुखरूप प्रसूती‎

गुजरातमधून यावलमार्गे छत्तीसगड‎ राज्यात जाणाऱ्या कुटुंबीयांमधील‎ २० वर्षीय गरोदर महिलेला,‎ सोमवारी पहाटे अचानक प्रसुती‎ वेदना सुरू झाल्या. यावल शहरात‎ आल्यानंतर या कुटुंबियांनी‎ महिलेला ग्रामीण रुग्णालयात‎ आणले. प्रसुती वेदना प्रचंड‎ वाढलेल्या असताना, कागदपत्रे,‎ नाव, पत्ता न विचारता, डॉक्टर व‎ कर्मचाऱ्यांनी पहाटे ६ वाजता या‎ महिलेची सुखरुप प्रसुती केली.‎ ग्रामीण रुग्णालयातील डॉक्टर व‎ कर्मचाऱ्यांनी दाखवलेल्या‎ माणुसकीमुळे या कुटुंबियांनी‎ पाणावलेल्या डोळ्यांनी आभार‎ मानले.‎‎‎‎‎‎‎ ‎

‎‎‎‎‎छत्तीसगडमधील रायगड‎ जिल्ह्यातील पटेल पाली येथील नट‎ कुटुंबीय, सोमवारी गुजरातमधून‎ एका वाहनाने आपल्या गावी जात‎ होते. यावल शहरात या कुटुंबातील‎ गरोदर प्रियंका काजू नट (वय २०)‎ या गरोदर महिलेस प्रसुती कळा सुरू‎ झाल्या. पहाटे पाच वाजता या‎ कुटुंबियांनी यावल शहर येताच‎ नागरिकांना दवाखान्याचा पत्ता‎‎‎‎‎‎‎‎‎‎‎‎‎ विचारला. काही नागरिकांनी त्यांना‎ यावल ग्रामीण रुग्णालयात पाठवले.‎ रुग्णालयात महिलेस थेट प्रसुती‎ कक्षात नेले. त्या ठिकाणी महिलेने‎ कन्यारत्नाला जन्म दिला. नवजात‎ बाळ व माता दोघे सुखरुप आहेत.‎ रुग्णालयात डॉ. सचिन देशमुख,‎ अधिपरिचाका मंजुषा कोळेकर,‎ ज्योत्स्ना निंबाळकर, नेपाली भोळे,‎ सुमन राऊत आदींनी सहकार्य केले.‎