तरुणांसाठी वेगळा‎ संदेश:नवीन वर्षाच्या सुरुवातीला स्मशानभूमीची सफाई करताना यवाशक्ती परिवाराचे कार्यकर्ते.‎

निंभोरा‎ दरवर्षी नवीन वर्षाच्या सुरुवातीला‎ म्हणजे १ जानेवारी या दिवशी सर्वत्र‎ जल्लोषाचे वातावरण असताना‎ निंभोरा येथील तरुणांनी मात्र यंदाही‎ वाघोदा रस्त्यावरील स्मशानभूमी‎ परिसरात स्वच्छता मोहीम राबवली.‎ यावेळी गावातील स्वानंद कृषि‎ विज्ञान मंडळ व युवाशक्ति मित्र‎ परिवाराचे कार्यकर्ते व गावातील‎ युवा सहकारी उपस्थित होते.‎

नवीन वर्षाची सुरुवात‎ नागरिकांना स्वच्छतेचा संदेश देऊन‎ करावी, असा निर्णय अर्थात संकल्प‎ युवाशक्ति मित्र परिवाराने पाच‎ वर्षांपूर्वी घेतला होता. आणि‎ तेव्हापासून दरवर्षी न चुकता संकल्प‎ पूर्ण करू, असा निर्धार मनाशी‎ बाळगून सातत्याने हा उपक्रम‎ राबवण्यात येत असताे. यावेळी‎ स्मशानभूमीत वाढलेली झाडेझुडपे,‎ अस्ताव्यस्त पडलेली दशक्रिया‎ विधीचे अर्धवट, वापरलेले साहित्य,‎ शाल, पुष्पहार यांची विल्हेवाट‎ लावण्यात आली. तर पालापाचोळा‎ संकलित करण्यात येऊन ताे‎ जाळण्यात अाला.‎ या स्वच्छता मोहिमेत येथील‎ गुणवंत भंगाळे, रवींद्र भोगे, सुनील‎ कोंडे, विवेक बोंडे, नीलेश लोखंडे,‎ दिलीप खैरे, हर्षल ठाकरे, राज‎ खाटीक, पीयूष बऱ्हाटे, गौरव‎ काटोले, एकनाथ धनगर यांच्यासह‎ परिसरातील इतर तरुण या वेळी‎ उपस्थित हाेते.‎