स्थानिक पोलिस मात्र कारवाईबाबत अनभिज्ञ‎:एलसीबीच्या कारवाईनंतर रावेरात‎ अवैध धंद्यांचा प्रश्न पुन्हा ऐरणीवर‎

आठ दिवसांपूर्वी पहाटे‎ तालुक्यातील मोरगाव खुर्द येथे‎ जुगार अड्ड्यावर जळगाव स्थानिक‎ गुन्हा शाखेने छापा टाकून १७‎ जणांवर कारवाई करून सुमारे ५५‎ लाखांचा मुद्देमाल जप्त केला.‎ अलीकडच्या काळात जिल्ह्यात‎ जुगारावरील हा सर्वात मोठा छापा‎ समजला जाताे. शहरापासून सात‎ कि.मी. अंतरावर एवढ्या मोठ्या‎ प्रमाणावर जुगाराचा अड्डा सुरू‎ असल्याची माहिती जळगाव‎ एलसीबीला मिळते तर मग स्थानिक‎ पोलिसांचे याकडे दुर्लक्ष होते का?‎ असा प्रश्न सर्वांना पडला आहे.‎ असे असले तरी या छाप्यामुळे एका‎ दगडात दोन नव्हे तर तीन पक्षी‎ मारण्याची खेळी यशस्वी झाली.‎

तालुक्यात कायदा व सुव्यवस्था‎ टिकवण्यासाठी रावेर, सावदा व‎ निंभोरा ही तीन पोलिस ठाणे कार्यरत‎ आहेत. दाेन राज्यांच्या सीमेवर‎ तालुका असल्याने सराईत‎ गुन्हेगारांना मार्ग मोकळा आहे.‎ त्यामुळे या तिघांच्या कार्यक्षेत्रात‎ अवैध धंदे सुरू असल्याच्या‎ नागरिकांच्या तक्रारी असूनही‎ पोलिसांनी दुर्लक्ष केले. अवैध‎ प्रवासी वाहतूक, वनसंपदा, गुटखा,‎

मोरगाव छाप्याला राजकीय कंगोरे असल्याची चर्चा‎ माजी मंत्री व आमदार एकनाथ‎ खडसे यांनी मुक्ताईनगर‎ तालुक्यासह जिल्ह्यात अवैध धंदे‎ सुरू असल्याचा प्रश्न विधिमंडळ‎ अधिवेशनात उपस्थित केला.‎ यानंतर काही दिवसांनी ‎त्यांचा‎ समर्थक असलेल्या एका‎ व्यावसायिकावर कारवाई झाली.‎ एलसीबी पथकाने प्रथम मुक्ताईनगर‎ तालुक्यात फासा टाकला. मात्र‎ हाताशी काही लागत नसल्याने‎ माहिती घेत त्यांनी मोरगावला छापा‎ टाकला. त्यात पोलिसांना यश‎ मिळाले.

या छाप्यामुळे एलसीबीने‎ एका दगडात दोन नव्हे तर तीन पक्षी‎ गारद केले. मातब्बर नेत्याच्या‎‎ मुक्ताईनगरातील समर्थकाविरुद्ध‎ कारवाई केली. पूर्वी खडसे समर्थक‎ व सध्याच्या भाजप पदाधिकाऱ्याचे‎ पंख कारवाईतून छाटले. तर‎ स्थानिक पोलिसांना बाजूला ठेवून‎ केलेली कारवाई त्यांच्या‎ कार्यक्षमतेबाबत प्रश्नचिन्ह निर्माण‎ करून गेली. दरम्यान, असे असले‎ तरी पोलिसांनी रावेर तालुक्यातील‎ अवैध धंद्यांविरूद्ध सुरू केलेल्या‎ कारवाईत सातत्य राखावे.‎ सर्वसामान्यांना त्यामुळे होणाऱ्या‎ जाचातून मुक्त करावे, असे सूरही या‎ कारवाईनंतर उमटत आहेत.‎