गुन्हा‎ दाखल:एटीएमच्या बॅटऱ्या लंपास,‎ चाेरी महिनाभराने उघड‎

येथील जामनेरराेडवरील नवशक्ती‎ आॅर्केडमधील इंडियन आेव्हरसीस‎ बॅँकेच्या एटीएममधील बॅटऱ्या‎ चाेरट्याने लंपास केल्याचे‎ फेब्रुवारीत उघड झाले. होते.‎ याप्रकरणी महिनाभरानंतर २ मार्चला‎ चाेरीचा गुन्हा दाखल झाला. सुदैवाने‎ एटीएममध्ये राेकड नव्हती.‎ जानेवारीपासून हे एटीएम बंद होते,‎ तर फेब्रुवारीत चोरीचा प्रकार समोर‎ आला होता.‎

या एटीएमचे कार्डरिडर‎ जानेवारीत नादुरुस्त झाल्याने‎ एटीएम बंद हाेते. त्यामुळे बँकेने‎ एटीएममधील पाच लाखांची कॅश‎ काढून घेतली होती. बँक‎‎‎‎‎‎‎‎‎‎ व्यवस्थापक रश्मीकुमार चंद्रभान‎ सिंह, या तपासणीसाठी फेब्रुवारीत‎ आल्या. त्यावेळी एटीएम‎ कार्डरिडरची तुटफूट झाल्याचे व‎ बॅटरी चोरीला गेल्याचे समोर आले.‎ डीवायएसपी साेमनाथ वाघचाैरे,‎ पोलिस निरीक्षक राहुल गायकवाड‎ यांनी घटनास्थळी पाहणी करत‎ तपासाला गती दिली.‎

सीसीटिव्ही फुटेज ताब्यात‎
या घटनेचे सीसीटिव्ही फुटेज‎ पाेलिसांनी ताब्यात घेतले आहे.‎ चाेरट्यांनी १२ हजार रूपयांच्या तीन‎ बॅटरी व ५ हजार रूपयांचे माॅनीटर‎ असा १७ हजार रूपयांचा मुद्देमाल‎ लांबवला आहे.