पोलिस ठाण्यात‎ अकस्मात मृत्यूची नोंद:दोनवेळा आत्महत्येचा प्रयत्न, रेल्वे‎ कर्मचाऱ्याचा घरात आढळला मृतदेह‎

तालुक्यातील अकलूद येथील ५६‎ वर्षीय इसमाने आठवडाभरात‎दोनवेळा‎आत्महत्येचा‎प्रयत्न केला‎होता. यानंतर‎राहत्या घरात‎रुमालाने‎ गळफास घेतलेल्या व गळा‎ कापलेल्या स्थितीत त्याचा मृतदेह‎ आढळल्याने खळबळ उडाली.‎ याप्रकरणी फैजपूर पोलिस ठाण्यात‎ अकस्मात मृत्यूची नोंद झाली.‎ मृतदेह यावल रुग्णालयातून सुक्ष्म‎ शवविच्छेदनासाठी जळगाव जिल्हा‎ शासकीय वैद्यकीय महाविद्यालय व‎ रुग्णालयात हलवण्यात आला.‎ अकलूद येथील दीपक काशीनाथ‎ पाटील यांनी फैजपूर पोलिस‎ ठाण्यात खबर दिली. त्यानुसार त्यांचे‎ वडील काशीनाथ विश्वनाथ पाटील‎ (वय ५६) हे भुसावळ येथे रेल्वेत‎ नोकरीला होते.

त्यांना मद्यपानाचे‎ व्यसन होते. त्यांच्या हातापायाला‎ विविध प्रकारची ऍलर्जी होत होती.‎ त्यांनी मागील आठवड्यात‎ भुसावळ येथील पाण्याच्या‎ टाकीवरून उडी घेऊन आत्महत्येचा‎ प्रयत्न केला होता. मात्र, सहकारी‎ कर्मचाऱ्यांनी त्यांना खाली उतरवले‎ होते. त्यानंतर त्यांनी तापी पुलावरून‎ उडी घेण्याचा प्रयत्न केला होता.‎ तेथून देखील त्यांना वाचवण्यात‎ आले होते. आता सोमवारी ते‎ त्यांच्या खोलीत झोपले होते.

मात्र,‎ बराच वेळ होऊनही प्रतिसाद‎ नसल्याने खिडकीतून डोकावून‎ पाहिल्यावर त्यांनी खिडकीच्या‎ सळईला रुमाल बांधून गळफास‎ घेतल्याचे दिसले. दरवाजा तोडून‎ आत गेल्यावर गळफास घेतलेल्या‎ रुमालासह त्यांच्या शर्टावर रक्ताचे‎ डाग दिसले. त्यांचा गळा कापलेला‎ होता. फैजपूर पोलिसांना माहिती‎ देण्यात आली. नंतर मृतदेह यावल‎ ग्रामीण रुग्णालयात आणला. सुक्ष्म‎ शवविच्छेदनासाठी मृतदेह‎ जळगावला हलवण्यात आला.‎ याबद्दल कुटुंबीयांना संशय आहे.‎ त्यादृष्टीने तपास सुरू असल्याची‎ माहिती एपीआय सिद्धेश्वर‎ आखेगावकर यांनी दिली.‎