आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

उत्खनन:सातोड शिवारातील जमिनीची चौथ्या‎ दिवशीही मोजणी, कोल्हापूरचे पथक‎

मुक्ताईनगर‎23 दिवसांपूर्वी
  • कॉपी लिंक

आमदार चंद्रकांत पाटील यांनी‎ नागपूर हिवाळी अधिवेशनादरम्यान‎ लक्षवेधी मांडत, सातोड‎ शिवारातील ३३ हेक्टर जमिनीवर‎ अवैध उत्खनन झाल्याची तक्रार‎ केली होती. लाखो ब्रास गौण‎ खनिजाचे उत्खनन करून, ४००‎ कोटींचा गैरव्यवहार झाल्याचा‎ आरोप करण्यात आला आहे. या‎ जमिनीच्या मोजमापासाठी कोल्हापूर‎ येथून अधिकाऱ्यांचे पथक आले‎ आहे. त्यांच्या मार्गदर्शनाखाली‎ तहसीलचे कर्मचारी व तलाठी यांनी‎ शुक्रवारी, सलग चौथ्या दिवशीही‎ मोजणी केली.‎ सातोड शिवारातील शेती‎ जमिनीवर अवैध उत्खनन‎ केल्याच्या आरोपावरून, २ रोजी‎ ई.टी.एस.च्या पथकाने क्षेत्राची‎ पाहणी केली. त्यानंतर‎ मंगळवारपासून मोजणीला सुरुवात‎ झाली.

मोजणी करणाऱ्या पथकात‎ कोल्हापूरचे एक अधिकारी व‎ स्थानिक सार्वजनिक बांधकाम‎ विभागाचे असिस्टंट सिव्हिल‎ इंजिनिअर चौरे, तलाठी‎ पी.पी.डामाळे, पिंपरी अकराऊतचे‎ कोतवाल कडू सोनवणे, तहसील‎ कार्यालयाचे कर्मचारी उस्मान भाई‎ व सार्वजनिक बांधकाम विभागाचे‎ शिपाई आर.आर.शेख यांचा‎ सहभाग आहे. अद्याप संपूर्ण क्षेत्राची‎ मोजणी झालेली नाही. संपूर्ण शेताचे‎ मोजमाप केल्यानंतरच उत्खननाची‎ माहिती सांगता येईल, असे पिंपरी‎ अकराऊतचे तलाठी प्रशांत डामाळे‎ यांनी सांगितले. मोजणीनंतर‎ प्रशासनाकडून अहवालात कोणती‎ माहिती सादर केली जाते, याकडे‎ तालुक्याचे लक्ष लागले आहे.‎

बातम्या आणखी आहेत...