शैक्षणिक गुणवत्ता वाढीला प्राधान्य‎:यावल नॅशनल एज्युकेशनच्या नवनिर्वाचित पदाधिकाऱ्यांचा निर्धार‎

शहरातील नॅशनल एज्युकेशन‎ सोसायटीच्या निवडणुकीत‎ सत्ताधारी गटाच्या प्रगती पॅनलने सर्व‎ १४ जागा जिंकल्या होत्या. आता‎ संस्थेचे अध्यक्ष, उपाध्यक्षांसह‎ विविध शाळांमधील चेअरमन‎ निवड बिनविरोध पार पडली.‎ संस्थेच्या अध्यक्षपदी संस्थापक‎ अध्यक्ष मोहंमद ताहेर शेख चाँद, तर‎ उपाध्यक्षपदी हाजी शब्बीर खान‎ मोहंमद खान यांची बिनविरोध‎ निवड झाली. सर्व सदस्यांनी‎ शैक्षणिक गुणवत्ता वाढीसाठी‎ प्राधान्य देण्याचा एकमुखी निर्धार‎ केला.

त्यासाठी नियोजन देखील‎ करण्यात येणार आहे.‎‎‎‎‎‎‎‎‎‎ संस्थेच्या युनिक आयटीआयच्या‎ सभागृहात संस्थेच्या संचालकांची‎ बैठक घेण्यात आली. त्यात‎ सर्वानुमते संस्थापक अध्यक्ष मोहंमद‎ ताहेर शेख चाँद यांची अध्यक्षपदी,‎ तर हाजी शब्बीर खान मोहंमद खान‎ यांची उपाध्यक्षपदी निवड झाली.‎ सचिव पदावर जफरउल्ला खान,‎ सहसचिव मो. याकूब शेख यासिन,‎‎‎‎‎‎‎‎‎‎ तर खजिनदार म्हणून अजीज खान‎ हमीद खान यांची निवड झाली. या‎ बैठकीला इक्बाल खान, अय्युब‎ खान, गुलाम रसूल हाजी गुलाम‎ दस्तगीर, मुस्तफा खान, शेख‎ इब्राहिम शेख चाँद, युसूफ खान‎ ताहेर खान, हुसेन खान, जहीर बेग‎ नूर बेग मिर्झा यांचीदेखील उपस्थिती‎ होती.‎

विविध शाळांचे चेअरमन‎ शेख इब्राहिम शेख चाँद‎ (डॉ.जाकीर हुसेन उर्दू हायस्कूल,‎ यावल), युसूफ खान ताहेर खान‎ (डॉ.जाकीर हुसेन ज्यु. कॉलेज,‎ यावल), मुस्तुफा खान सुभान खान‎ (इंदिरा गांधी उर्दू गर्ल्स हायस्कूल,‎ यावल), इक्बाल खान नसिर खान‎ (उर्दू खासगी प्रायमरी स्कूल,‎ यावल), अय्युब खान हमीद खान‎ (संस्थेची बालवाडी, यावल),‎ अताउल्ला खान सैफउल्ला खान‎ (युनिक आयटीआय, यावल),‎ जहिर बेग नुर बेग मिर्झा (फक्रुद्दीन‎ अली अहेमद ज्यु.कॉलेज,‎ वरणगाव).‎