शैक्षणिक व‎ सामाजिक जाणीव:डिजिटल शाळेचे दिलीप शिरुडकर व जगदीश गुजराथी यांनी केले उद्घाटन

तालुक्यातील इंदिरा नगर, नगाव व‎ लोणी सिम जिल्हा परिषदेच्या‎ प्राथमिक शाळेत आज मुंबई‎ येथील सिम्प्रेस इंडिया कंपनीच्या‎ सामाजिक फंडातून व डोंबिवली‎ येथील जाणीव शैक्षणिक व‎ सामाजिक बहुउद्देशीय संस्थेच्या‎ सहकार्याने डिजिटल वर्गाचे‎ उद्घाटन करण्यात आले.‎ डिजिटल वर्गाचे दिलीप नाना‎ शिरूडकर व जगदीश गुजराथी‎ यांनी उद्घाटन केले. प्रमुख पाहुणे‎ म्हणून शिक्षण विस्तार अधिकारी‎ विश्वास पाटील उपस्थित हाेते.‎ त्यांनी ग्रामस्थांना शाळा‎ विकासासाठी लोकसहभागाचे‎ महत्त्व सांगितले. वृषाली पाटील‎ यांनी संस्थेच्या सामाजिक‎ कार्याची माहिती देऊन आजपर्यंत‎ सुमारे २० शाळा डिजिटल‎ केल्याचे सांगितले.

सी. एम.‎ चौधरी यांनी बाला उपक्रमाची‎ माहिती देवून जाणीव संस्थेला‎ तालुक्यातील इतर ही शाळांना‎ डिजिटल साहित्य उपलब्ध करून‎ देण्याची विनंती केली. या वेळी‎ अमोल शिरुडकर, दिलीप‎ शिरुडकर, जगदीश गुजराथी,‎ केंद्रप्रमुख भटू पाटील, लोणी‎ सिमचे सरपंच डॉ. कैलास पाटील,‎‎‎‎‎‎‎‎‎‎ उपसरपंच विलास पाटील, दामू‎ पाटील, मगन पाटील, सुदाम‎ पाटील, रवींद्र पाटील,‎ मुख्याध्यापक प्रवीण पवार,‎ मुख्याध्यापक सिद्धार्थ सरदार,‎ अनिल पाटील, प्रवीण कोळी,‎ नीलेश पाटील, भगवान पाटील,‎‎‎‎‎‎‎‎‎‎ संजीव चव्हाण आदी हजर होते.‎ जाणीव संस्थेचे वृषाली पाटील,‎ तुषार शिरूडकर, वरून देवरे,‎ गजानन सोनवणे, संपदा‎ शिरूडकर यांचे मुख्याध्यापक‎ रावसाहेब पाटील व कपिल‎ शिरूडकर यांनी स्वागत केले.‎