वाढ:रेल्वे प्रवाशांच्या गर्दीमुळे विशेष‎ गाड्यांना मिळाली मुदतवाढ‎

प्रवाशांची अतिरिक्त गर्दी लक्षात घेता रेल्वे‎ प्रशासनाने दादर-बलिया-दादर,‎ दादर-गोरखपूर-दादर, मनमाड-दादर-मनमाड‎ आणि एलटीटी-बल्लारशाह-एलट ीटी या‎ विशेष गाड्यांचा चालवण्याच्या कालावधीत‎ वाढ केली आहे.‎ यात दादर-बलिया ही गाडी २ जानेवारी ते‎ २७ फेब्रुवारी दरम्यान २५ फेऱ्या करेल. ही गाडी‎ आठवड्यातून साेमवार, बुधवार, शुक्रवारी‎ दादर येथून सुटेल. तर बलिया येथून ही गाडी‎ दादरसाठी ४ जानेवारी ते १ मार्चपर्यंत २५ फेऱ्या‎ करेल. ही गाडी बलिया येथून दर बुधवार,‎ शुक्रवार, रविवारी धावेल. दादर-गाेरखपूर‎ गाडी १ जानेवारी ते २८ फेब्रुवारीपर्यंत धावेल.‎ ही गाडी दादर येथून दर मंगळवार, शुक्रवार,‎ शनिवार, रविवारी सुटेल.

तर गोरखपूर येथून‎ ही गाडी २ जानेवारी ते २ मार्चपर्यंत ३४ फेऱ्या‎ करणार आहे. ही गाडी साेमवार, मंगळवार,‎ शुक्रवार व शनिवारी गोरखपूर येथून सुटेल.‎ मनमाड-दादर विशेष गाडी ६ जानेवारी ते ३१‎ मार्चपर्यंत चालवण्यात येईल. ही गाडी गुरूवार‎ वगळता आठवड्यातून सहा दिवस धावेल.‎ दादर-मनमाड ही विशेष गाडी ६ जानेवारी ते ३१‎ मार्चपर्यंत धावेल. ही गाडी गुरूवार वगळता‎ आठवड्यातून सहा दिवस धावेल.‎ एलटीटी-बल्लारशाह गाडी १० जानेवारी ते २८‎ मार्चपर्यंत धावेल. ही साप्ताहिक गाडी दर‎ मंगळवारी एलटीटीवरून, तर बल्लारशाह‎ येथून एलटीटीसाठी दर बुधवारी सुटेल. यामुळे‎ प्रवाशांची सोय होणार आहे.‎