कर्मचाऱ्यांनी बांधली वज्रमूठ ‎:वीज कर्मचारी 72 तासांच्या संपावर,‎ कंत्राटींवर अखंड वीजपुरवठ्याचा भार‎

प्रलंबित मागण्यांसाठी राज्यातील‎ वीज कर्मचारी मंगळवारी‎ मध्यरात्रीपासून ७२ तासांच्या संपावर‎ आहेत. या संपात भुसावळ शहर व‎ तालुक्यातील महावितरण,‎ महापारेषण, महानिर्मितीच्या ३०‎ संघटनांचे सदस्य कर्मचारी सहभागी‎ होतील. दीपनगर औष्णिक केंद्रातही‎ महाराष्ट्र राज्य वीज कर्मचारी,‎ अधिकारी, अभियंता संघर्ष समिती‎ संपात सहभागी होईल. याबाबत‎ संघर्ष समितीने मंगळवारी द्वारसभा‎ घेऊन मुख्य अभियंता मोहन‎ आव्हाड यांना निवेदन दिले.‎ वीज कर्मचाऱ्यांच्या संघर्ष‎ समितीने पुकारलेले आंदोलन व‎ संपाबाबत महाराष्ट्र शासनाचे प्रधान‎ उर्जा सचिव आणि तिन्ही कंपन्यांचे‎ अध्यक्ष, व्यवस्थापकीय संचालक,‎ इतर अधिकारी, संघर्ष समितीमधील‎ ३१ संघटनांची बैठक बांद्रा येथे‎ झाली. पण, त्यात तोडगा निघाला‎ नाही. यामुळे वीज कामगारांनी‎ संपाचे हत्यार उपसले आहे.‎

पर्यायी व्यवस्था : अडचण आल्यास येथे साधा संपर्क‎ महावितरणने शहरातील वीजपुरवठा सुरळीत ठेवणे, ग्राहकांच्या तक्रारी‎ सोडवण्यासाठी कंत्राटी कर्मचारी नेमले आहेत. आहे. शहरातील नाहाटा,‎ तापीनगर, औद्योगिक वसाहत आदी सबस्टेशनमध्ये ठेकेदारीतील ऑपरेटर‎ असतील. शहरातील तक्रारी सोडवण्यासाठी देखील वायरमन, तंत्रज्ञ असे‎ ठेकेदाराचे कर्मचारी सेवा देतील , अशी माहिती महावितरण कंपनीचे‎ कार्यकारी अभियंता प्रदीप घोरुडे यांनी दिली. ग्राहकांनी तक्रारींसाठी‎ उपविभाग व फ्यूज कॉल सेंटरसाठी अनुक्रमे शिवाजी नगर 8411968539,‎ डीएस ग्राऊंड 8411968372, पीसी युनिट 8411968326, एसबी युनिट‎ 8411968538 येथे संपर्क साधावा.‎

खासगीकरणाला विरोध‎‎ महावितरण कंपनीच्या नफ्याच्या‎ भागामध्ये अदानीसारख्या खासगी‎ भांडवलदारांचा समांतर वीज‎ वितरणाचा परवाना देण्यास‎ कर्मचाऱ्यांचा विरोध आहे. त्यामुळे‎ आंदोलनाची उभारणी झाली. त्यात‎ दीनगर औष्णीक केंद्रातील संघर्ष‎ समितीने देखील संपात उडी घेतली‎ आहे. यामुळे मुख्य अभियंत्यांना पत्र‎ दिले. दरम्यान, वीज कामगारांनी‎ पुकारलेल्या संपाला मनसेने पाठिंबा‎ दिला. जिल्हा उपाध्यक्ष विनोद‎ पाठक यांनी माहिती दिली .‎

दीपनगरात द्वारसभा‎ संपामध्ये कर्मचारी, अभियंते,‎ अधिकारी व कंत्राटी कामगार व‎ सुरक्षा रक्षकांनी १०० टक्के (मुख्य‎ कार्यालय ते शाखा कार्यालय,‎ निर्मिती केंद्र, उपकेंद्र) सहभागी‎ व्हावे याबाबत आवाहन‎ करण्यासाठी दीपनगरात मंगळवारी‎ द्वारसभा झाली. उपकेंद्र सहाय्यक,‎ विद्युत सहाय्यक, कनिष्ठ‎ कार्यालयीन सहाय्यक, प्रशिक्षणार्थी‎ अभियंते, अप्रेंटिस व ग्रामविद्युत‎ सहाय्यकांनी संपामध्ये सहभागी‎ व्हावे, असे आवाहन केले.‎

दीपनगरात द्वारसभा‎ संपामध्ये कर्मचारी, अभियंते,‎ अधिकारी व कंत्राटी कामगार व‎ सुरक्षा रक्षकांनी १०० टक्के (मुख्य‎ कार्यालय ते शाखा कार्यालय,‎ निर्मिती केंद्र, उपकेंद्र) सहभागी‎ व्हावे याबाबत आवाहन‎ करण्यासाठी दीपनगरात मंगळवारी‎ द्वारसभा झाली. उपकेंद्र सहाय्यक,‎ विद्युत सहाय्यक, कनिष्ठ‎ कार्यालयीन सहाय्यक, प्रशिक्षणार्थी‎ अभियंते, अप्रेंटिस व ग्रामविद्युत‎ सहाय्यकांनी संपामध्ये सहभागी‎ व्हावे, असे आवाहन केले.‎