विद्यार्थ्यांना सल्ला‎:चांगले गुण मिळवण्यासाठी‎ सराव प्रश्नपत्रिकांवर भर द्या‎

यशस्वी होण्यासाठी विद्यार्थ्यांनी अभ्यासात‎ सातत्य आणि मेहनत घेण्याची तयारी ठेवावी.‎ बोर्डाच्या परीक्षेपूर्वी जास्तीत जास्त सराव‎ प्रश्नपत्रिका सोडवाव्या. जेणेकरून परीक्षेच्या‎ सरावासोबत अभ्यासात मदत होईल, असा‎ सल्ला मुक्ताईनगर तालुका एज्युकेशन‎ संस्थेचे सचिव डाॅ.सी.एस.चौधरी यांनी दिला.‎ मुक्ताईनर तालुका एज्युकेशन सोसायटी‎ संचालित जे.ई.स्कूल व ज्युनिअर कॉलेजमध्ये‎ बारावी कला, विज्ञान व वाणिज्य शाखेच्या‎ विद्यार्थ्यांना निरोप देण्यात आला.‎ अध्यक्षस्थानी संस्थेचे सचिव‎ डॉ.सी.एस.चौधरी, तर खडसे‎ महाविद्यालयाचे उपप्राचार्य डॉ.ए.पी.पाटील,‎ जे.ई.स्कूलचे उपप्राचार्य जे.जे.पाटील प्रमुख‎ पाहुणे होते.

उपस्थिती ३०० विद्यार्थ्यांपैकी‎ आकांक्षा प्रधान, रेवती ठाकूर, चेतन लोखंडे,‎ रितेश तायडे, ऋषिकेश पाटील, दर्शना बडोगे‎ यांनी अनुभव कथन केले. नंतर‎ डॉ.सी.एस.चौधरी शिक्षणासोबतच नैतिक‎ मूल्ये आपल्या जीवनात का आवश्यक‎ आहेत? हे पटवून दिले. उपप्राचार्य‎ डॉ.ए.पी.पाटील यांनी, परीक्षेत चांगले यश‎ मिळवायचे असेल तर अभ्यासाला पर्याय‎ नाही. शिक्षणामुळे आयुष्याला दिशा मिळते‎ असे सांगितले. जे.जे.पाटील यांनीही संवाद‎ साधला. सूत्रसंचालन प्रा.व्ही.बी.राणे, आभार‎ प्रा.एन.पी.महाजन यांनी मानले. प्रा.कपिल‎ जंगले, डी.बी. वारुडे, अमोल पाटील, भूषण‎ चौधरी, चंदू पाटील यांनी सहकार्य केले.