धूलिवंदन‎:भुसावळात धुळवडीला नैसर्गिक रंगांसह‎ फुलांच्या पाकळ्यांची मुक्तहस्ते उधळण‎

भुसावळ शहरात होळीसह‎ धुलिवंदनाचा उत्साह दिसला. टिळा‎ होळीचा आनंद घेताना रासायनिक‎ रंगांचा वापर टाळण्यात आला. काही‎ ठिकाणी रंगांऐवजी फुलांच्या‎ पाकळ्यांची उधळण करण्यात आली.‎ पोलिस अधिकाऱ्यांनी देखील आपल्या‎ कर्मचाऱ्यांसह धूलिवंदन साजरे केले.‎ शहरात श्री राधाकृष्ण प्रभात फेरीने‎ पाण्याचा वापर टाळला. तसेच नैसर्गिक‎ रंगांचा वापर करून पर्यावरण पूरक व‎ प्रदूषणमुक्त धूलिवंदन साजरे केले. राम‎ मंदिर परिसरात हा कार्यक्रम झाला.‎ प्रभातफेरीच्या सर्व सदस्यांनी एकमेकांना‎ नैसर्गिक रंगाचा टिळा लावून व‎ फुलांच्या पाकळ्या उधळून आनंदोत्सव‎ साजरा केला.

राधेश्याम लाहोटी, संजय‎ अग्रवाल, जे.बी.कोटेचा, अर्जुन पटेल,‎ लीलाधर अग्रवाल, मदन बोरकर, श्याम‎ अग्रवाल, गोपाल तिवारी, गोपाल‎‎‎‎‎‎‎‎‎‎‎‎‎‎‎‎‎ जांगीड, सुनील लाहोटी आदींची‎ उपस्थिती होती. याशिवाय शहरातील‎ विविध चाैकांमध्ये राजकीय पक्षांचे‎ पदाधिकारी, माजी नगरसेवकांनी देखील‎ कार्यकर्त्यांसह धुलिवंदनाचा आनंद‎ घेतला. म्युनिसिपल पार्कमध्ये भाजपचे‎‎‎‎‎‎‎‎‎‎‎‎‎‎‎‎‎ शहराध्यक्ष परीक्षित बऱ्हाटे, माजी‎ नगरसेविका दीपाली बऱ्हाटे यांनी‎ प्रभागातील रहिवाशांसह नैसर्गिक रंगांचा‎ वापर करून धूलिवंदन साजरे केले.‎ आनंद नगरात भगवा ग्रुपने गुलालाची‎ उधळण केली.‎

तरुणाईचा जल्लोष : लाेखंडी पुलाजवळ हिंदू हाेय मंडळातर्फे धुळवड साजरी‎ झाली. वाद्याच्या तालावर थिरकत तरुणाई एकमेकांना रंगाने माखत होती. मातृभूमी‎ चाैकात माजी नगरसेवक किरण काेलते यांनी धुलीवंदनाचे आयोजन केले होते.‎

पोलिस ठाण्यात रंगोत्सव
‎बाजारपेठ पोलिस ठाण्यातही पोलिसांनी‎ आगळ्यावेगळ्या पद्धतीने रंगोत्सव‎ साजरा केला. बाजारपेठ पोलिस‎ ठाण्यात अधिकारी आणि कर्मचाऱ्यांनी‎ एकमेकांना रंग लावून, होळीच्या‎ शुभेच्छा दिल्या. या उपक्रमात केवळ‎ पर्यावरणपूरक रंगांचाच वापर करण्यात‎ आला होता.‎