वातावरण:उद्यापासून चार दिवस पाऊस; थंडी कमी होणार

जिल्ह्यात १० डिसेंबर हा यंदाच्या हिवाळ्यातील सर्वात थंड दिवस ठरला. कारण, ८.५ अंश तापमान नोंदवले गेले. दरम्यान, रविवारपासून जिल्ह्यात ढगाळ वातावरण राहणार आहे. शिवाय सोमवारपासून पुढील तीन ते चार दिवस पावसाची शक्यता आहे. त्यामुळे थंडी कमी हाेऊन पुन्हा तापमान वाढू शकते.

वातावरणाचा प्रभाव
हिमालयाजवळील राज्यांमध्ये बर्फवृष्टी हाेत असल्याने उत्तरेतून थंड वारे वाहत आहे. तर समुद्रातील वादळामुळे दक्षिणेतील राज्यांमध्ये पावसाचे वातावरण आहे. मध्य भारतामध्ये या दाेन्ही स्थितीचा प्रभाव जाणवत आहे. राज्यात थंडी आणि पाऊस या दाेन्ही स्थिती आहे.

दिवसाही गारठा वाढला
शनिवारी किमान तापमान ८.५ अंशावर असल्याने रात्री प्रचंड गारठा हाेता. वाऱ्याचा वेग ताशी १२ ते १४ किमी असल्याने गारठा अधिक वाढला हाेता.

पूर्व किनारपट्टक्षवर धडकलेल्या वादळाने उत्तर महाराष्ट्रात ११ डिसेंबर ते १३ डिसेंबर दरम्यान अवकाळी पाऊस हाेऊ शकताे. तुरळक ठिकाणी हा पाऊस हाेईल.

रात्रीसह दिवसाचे तापमान ३१ अंशावरून घसरून २९ अंशांवर आले. सकाळी ११ वाजेपर्यंत व दुपारी चारनंतर वातावरणात गारठा वाढल्याचे जाणवले.

वातावरण ढगाळ असल्याने किमान तापमानात काहीशी वाढ हाेवून थंडी कमी हाेऊ शकते. वाऱ्याचा वेग कमी असला तरी शनिवारी बाेचरी थंडी जाणवली.

किमान तापमान वाढणार
उत्तर महाराष्ट्रात ढगाळ वातावरण आहे. किमान तापमानात घट झाल्याने तीन दिवसापासून थंडी वाढली. ढगाळ वातावरणात किमान तापमानात काहीशी वाढ हाेवून पुन्हा थंडी कमी हाेऊ शकते.- डॉ.के.एस.हाेसळीकर, संचालक, आयएमडी, पुणे