उपक्रम:बाह्यमुल्यमापनात संकलनासोबतच‎ वर्गीकरण, मांडणीला अधिक महत्त्व‎

शाळासिद्धी उपक्रमा अंतर्गत‎ बाह्यमुल्यमापनाची प्रक्रिया सुरू‎ आहे. स्वयंमूल्यमापनात मांडलेल्या‎ बाबी सिद्ध करून दाखवण्यासाठी,‎ पुरावे म्हणून बाह्यमुल्यमापनात‎ संकलन, वर्गीकरण, मांडणी व‎ सादरीकरणाला विशेष महत्व‎ असते, असे प्रतिपादन शाळासिद्धीचे‎ राज्य निर्धारक प्रमोद आठवले यांनी‎ केले. कंडारी येथील प्रतिभा पाटील‎ प्राथमिक विद्या मंदिरात पार‎ पडलेल्या शाळासिद्धी‎ बाह्यमुल्यमापन प्रक्रियेप्रसंगी‎ मुख्याध्यापक व शिक्षकांशी संवाद‎ साधताना ते बोलत होते.‎ यावेळी मुख्याध्यापिका स्वाती‎ कुळकर्णी, महादेव सरकटे, सोनवणे‎ उपस्थित होते.

प्रारंभी शाळासिद्धीचे‎ जळगाव जिल्हा समन्वयक तथा‎ राज्य निर्धारक डॉ. जगदीश पाटील‎ व राज्य निर्धारक प्रमोद आठवले‎ यांनी वर्गभेट करून विद्यार्थी‎ संपादणूक जाणून घेतली. तसेच‎ शाळेचा भौतिक परिसर व‎‎‎‎‎‎‎‎‎‎‎‎‎‎‎ शाळासिद्धीच्या अनुषंगाने इतर‎ बाबींची पडताळणी केली.‎ शाळासिद्धी अंतर्गत‎ बाह्यमुल्यमापनासाठी करायची‎ तयारी या विषयावर प्रमोद आठवले‎ यांनी मार्गदर्शन केले. त्यानंतर डॉ.‎ जगदीश पाटील यांनी शाळासिद्धी‎ कार्यक्रमाची संकल्पना,‎ स्वयंमूल्यमापन, बाह्यमूल्यमापन,‎ पुराव्यांची तयारी यासह विविध‎ बाबींवर प्रकाशझोत टाकला.

‎शाळेची गुणवत्ता वाढवण्याची‎‎‎‎‎‎‎‎‎‎‎‎‎‎‎ जबाबदारी ही शिक्षण क्षेत्रातील‎ सर्वच घटकांची आहे. आधुनिक‎ जगात स्पर्धेला महत्व असल्याने‎ स्पर्धेत टिकून राहण्यासाठी‎ शाळासिद्धी महत्त्वाचे माध्यम आहे.‎ या उपक्रमांतर्गत बाह्यमूल्यमापनाची‎ तयारी म्हणून सात क्षेत्रनिहाय व ४६‎ गाभा मानकानिहाय पुराव्यांचे‎ संकलन, वर्गीकरण, मांडणी,‎ सादरीकरण व जतन कसे करायचे‎ हे जाणून घेणे खूप महत्त्वाचे आहे,‎ असेही मत व्यक्त केले.‎