एकतर्फी विजय:‘नॅशनल एज्युकेशन’मध्ये‎ सर्व जागा सत्ताधारी गटाला‎

शहरातील नॅशनल एज्युकेशन‎ सोसायटीच्या निवडणुकीत सत्ताधारी‎ गटाच्या प्रगती पॅनलने, विरोधी गटाच्या‎ इनकलाबी पॅनलचा धुव्वा उडवला.‎ निवडणुकीत सत्ताधाऱ्यांनी एकतर्फी‎ विजय मिळवत सर्व १४ जागा जिंकल्या.‎ निवडणुकीचा निकाल गुरुवारी रात्री‎ उशिरा लागला. निकाल जाहीर‎ झाल्यानंतर सत्ताधारी गटाने जल्लोष‎ केला.‎ नॅशनल एज्युकेशन सोसायटीच्या‎ पंचवार्षिक निवडणुकीत रविवारी मतदान‎ झाले होते. संस्थेच्या १४ जागांसाठी‎ २९१पैकी २७३ मतदारांनी मतदानाचा हक्क‎ बजावला.

एकुण ९३.८१ टक्के मतदान‎ झाले होते. मतदानानंतर सात वाजेपासून‎ मतमोजणीला सुरू झाली. सत्ताधारी‎ गटाच्या मोहंमद ताहेर शेख चाँद यांच्या‎ नेतृत्वात प्रगती पॅनलने, अब्दुल करीम‎ कच्छी यांच्या इनकलाबी पॅनलचा पराभव‎ करत, सर्व १४ जागांवर विजय मिळवला.‎ निवडणुक निर्णय अधिकारी शेख सलीम‎ शेख अब्दुल नबी यांच्या मार्गदर्शनाखाली‎ सहाय्यक शेख रफीयोद्यीन अब्दुल नबी,‎ शेख हारून शेख अमीर, मजीद खा हमीद‎ खा, इफ्तेखार अहेमद शेख अखलाख,‎ अय्युब खान फजलूल रहेमान, नासिर‎ खान रहेमान खान, फारूकी जव्वाद‎ अहेमद यांनी काम पाहिले. निवडणुकीत‎ सत्ताधारी गट एकतर्फी विजयी झाला.‎

विजयी उमेदवार अन् मते‎
मोहंमद ताहेर शेख चाँद १८५, हाजी‎ शब्बीर खान १८०, इकबाल खान‎ नसिर खान १७८, अजीज खान‎ हमीद खान १७२, मो. याकूब शेख‎ यासीन १७१, अय्युब खान हमीद‎ खान १७०, गुलाम रसुल हाजी‎ गुलाम दस्तगीर १६९, मुस्तुफा खान‎ सुभान खान १६९, शेख इब्राहिम‎ शेख चाँद १६९, युसूफ खान ताहेर‎ खान १६४, अताउल्ला खान‎ सैफउल्ला खान १५९, जफरउल्ला‎ खान अमानउल्ला खान १५८, हुसेन‎ खान भिकारी खान १५८, जहिर बेग‎ नुर बेग मिर्झा १४७.‎