ज्ञानज्योती विद्यालयात मान्यवरांच्या हस्ते उद्घाटन‎:कोटेचा महाविद्यालयाचे‎ खडका गावात शिबिर‎

येथील कोटेचा महिला‎ महाविद्यालयाचे विशेष हिवाळी‎ शिबिराचे उद्घाटन तालुक्यातील‎ खडका येथे झाले. ज्ञानज्योती‎ विद्यालयात विद्यार्थिनी मजिरा नाज‎ बागवान आणि सरपंच विलास‎ सपकाळे यांच्याहस्ते दीप प्रज्वलन‎ करून करण्यात अाले.‎ याप्रसंगी प्रमुख पाहुणे म्हणून‎ सरस्वती विद्या प्रसारक मंडळाच्या‎ अध्यक्षा पद्मा कोटेचा, सदस्या‎ ललिता चोरडिया, स्थानिक शिक्षण‎ मंडळ खडकाचे अध्यक्ष अनिल‎ वारके, सचिव केशव धांडे आणि‎ ज्ञानज्योती विद्यालयाचे‎ मुख्याध्यापक सुनील भिरुड,‎ कोटेचा महाविद्यालयाचे उपप्राचार्य‎ वाय.डी. देसले होते. कार्यक्रमाच्या‎ अध्यक्षा प्राचार्य डॉ. मंगला साबद्रा‎ यांनी स्वयंसेवी विद्यार्थिनींना‎ एन.एस.एस शिबिरामध्ये स्वयंशिस्त‎ आणि व्यक्तिमत्व विकासासाठी‎ योगदान याविषयी मार्गदर्शन केले.‎

मुख्याध्यापक सुनील भिरुड यांनीही‎ विद्यार्थिनींना ग्रामीण विकासासाठी‎ श्रमदान करण्याचे आवाहन केले. या‎ सात दिवसीय एन.एस.एस शिबिरात‎ व्यक्तिमत्व विकास, ग्रामस्वच्छता,‎ स्वच्छ भारत अभियानाअंतर्गत‎ विद्यार्थिनींच्या सर्वांगीण‎ विकासासाठी विविध विषयावर‎ तज्ञांचे मार्गदर्शन मिळणार आहे.‎ प्रास्ताविक राष्ट्रीय सेवा योजना‎ कार्यक्रमाधिकारी डॉ.जान्हवी‎ तळेगावकर यांनी केले. तर‎ सूत्रसंचालन प्रा.डॉ.शरद अग्रवाल‎ यांनी केले. आभार प्रतिज्ञा मनोरे‎ हिने मानले. या शिबिराच्या‎ यशस्वीतेसाठी कार्यक्रम अधिकारी‎ प्रा. नीता चोरडिया, प्रा. वृंदा चौधरी,‎ हरी पाटील तसेच महाविद्यालयाचे‎ उपप्राचार्य डॉ.विलास पाटील,‎ उपप्राचार्य प्रा. यशवंत देसले यांचे‎ सहकार्य लाभले.‎