प्रतिपादन‎:जादू म्हणजे न समजलेले‎ विज्ञान अन् हातचलाखी

जगात कोणत्याही प्रकारची जादू‎ अस्तित्वात नाही. जादू म्हणजे‎ हातचलाखी आणि न समजलेले विज्ञान‎ असते, असे प्रतिपादन भुसावळचे‎ सुप्रसिद्ध जादूगार व अंधश्रद्धा निर्मूलन‎ समितीचे पदाधिकारी श्यामकुमार‎ वासनिक यांनी केले.‎ विज्ञान व हातचलाखीवर आधारित‎ जादूच्या विविध प्रयोगांचे त्यांनी बोदवड‎ महाविद्यालयात सादरीकरण केले. राष्ट्रीय‎ विज्ञान सप्ताहानिमित्त हा उपक्रम‎ राबवण्यात आला.

संस्थेचे चेअरमन‎ मिठुलाल अग्रवाल, प्राचार्य प्रा.अरविंद‎ चौधरी यांच्या नेतृत्वाखाली जादूचे विविध‎ प्रयोग व त्या मागील विज्ञानावर आधारित‎ मॅजिक शोचे आयोजन, शास्त्रोत्सव‎ मंडळातर्फे नुकतेच करण्यात आले होते.‎ मनोरंजनातून प्रबोधन करणाऱ्या या‎ कार्यक्रमात सुरज गणवीर, उपप्राचार्य‎ डॉ.व्ही.पी.चौधरी, प्रा.पी. एस. महाले, डॉ.‎ अजय पाटील, डॉ.गीता पाटील, नरेंद्र‎ जोशी, डॉ.अनिल बारी, डॉ. चेतनकुमार‎ शर्मा, डॉ.मनोज निकाळजे, डॉ.वंदना‎‎‎‎‎‎‎‎‎‎‎‎‎‎‎‎‎‎‎‎‎‎ नंदवे, डॉ.वैशाली संसारे, डॉ.अमर‎ वाघमोडे, डॉ. अजित पाटील आदी‎ मान्यवर उपस्थित होते. याप्रसंगी पाण्याने‎ दिवा पेटवून उद्घाटन करण्यात आले.‎

विद्यार्थी आश्चर्यचकीत‎
मंत्राने दिवा पेटवणे, हवेतून वस्तू निर्माण‎ करणे, कागदापासून नोट बनवणे असे‎ प्रयोग सादर करून वासनिक यांनी‎ विद्यार्थ्यांना आश्चर्यचकीत केले.‎ सुशिक्षित लोकांनी कुठलीही भीती न‎ बाळगता बुवाबाजीला विरोध केला‎ पाहिजे, असे आवाहन प्राचार्य अरविंद‎ चौधरी यांनी केले.‎