धार्मिक:देवासोबत मित्रत्वाचे नाते जोडा, जगात‎ हेच नाते श्रेष्ठ; सुख-दु:ख सांगता येते‎

भोलेनाथ भक्ताच्या अंतःकरणातील भाव‎ ओळखतात. त्यामुळे देवासोबत मित्रत्वाचे नाते‎ जोडा. त्यामुळे सुख-दुखाच्या गोष्टी सांगता‎ येतात, असे निरुपण राष्ट्रीय कथा प्रवक्ते मंगेश‎ महाराज दाताळकर यांनी केले. शहरातील‎ प्रोफेसर कॉलनीत जय मातृभूमी मंडळातर्फे‎ आयोजित संगीतमय शिव महापुराण कथा व‎ संकीर्तन सोहळ्यात बुधवारी ते बोलत होते.‎ जय मातृभूमी मंडळ व मित्र परिवारातर्फे शिव‎ महापुराण कथेचे आयोजन केले आहे. मंगेश‎ महाराज दाताळकर वराडे ता.मुक्ताईनगर हे‎ कथा वाचन करत आहेत. ते म्हणाले की,‎ चुकीचे कर्म करणाऱ्यांना परमेश्वर कोणताही‎ थारा देत नाही. देवाजवळ दिवा लावून‎ देवालयातच नव्हे तर स्वत:च्या जीवनात प्रकाश‎ पडतो. यामुळे दररोज देवालयात दिवा लावला‎ गेला पाहिजे. भगवान भोलेनाथ प्रत्येकाच्या‎ मनातील इच्छा पूर्ण करतात. म्हणूनच त्यांना‎ भोलेनाथ म्हणतात. व्यावहारिक जीवनात‎ जगाचा विचार करु नका. एकदा काम संपले की‎ तुम्ही जगासाठी वाईट व्हाल. त्याऐवजी निस्सिम‎ भक्ती करा, असे महाराज म्हणाले.‎

भुसावळ शहरातील मातृभूमी चौकात आयोजित शिवपुराण कथेला महिला भाविकांचा असा प्रतिसाद आहे.‎सजीव आरास आकर्षण‎ शिव महापुराण कथेत दररोज प्रसंगानुरुप सजीव‎ आरास साकारली जात आहे. कथेतील प्रसंगावर चित्र‎ भाविकांसमोर उभे करण्याचा प्रयत्न त्यातून होते. या‎ कथा श्रवणाला महिलांची जास्त उपस्थिती आहे.‎सृष्टीच्या उत्पत्तीची कथा सांगितली‎ बुधवारी मंगेश महाराजांनी सृष्टीच्या उत्पत्तीची आणि‎ ब्रह्मा, विष्णू व महेश अवताराची कथा सांगितली.‎ भगवान विष्णूंनी उपासना, भगवान कुबेरावर असलेली‎ शिवकृपा, रावणावर असलेल्या शिवकृपेचे वर्णन केले.‎