गौरव:फैजपूर विभागातील प्रकाशदूतांचा‎ सन्मान, सुरक्षेबाबत दिली शपथ‎

महावितरणच्या सावदा विभागातर्फे‎ शनिवारी लाइनमन दिनानिमित्त‎ प्रकाशदूत कर्मचाऱ्यांचा सत्कार‎ करण्यात आला. कार्यकारी‎ अभियंता गोरक्षनाथ सपकाळे‎ यांच्याहस्ते लाइनमन कर्मचाऱ्यांना‎ गौरवण्यात आले. यावेळी सुरक्षतेची‎ शपथ देण्यात आली.‎ सावदा विभागातील सर्व‎ लाइनमन कर्मचाऱ्यांनी नेहमी‎ कर्तव्याला प्राधान्य द्यावे.

घरगुती‎ वीज, शेतीच्या विजेचे प्रश्न,‎ जास्तीचे बिल, मीटरच्या नावात‎ बदल, अशा समस्यांचा तात्काळ‎ निपटारा करावा. नागरिकांच्या‎‎‎‎‎‎‎‎‎‎‎ समस्या जाणून घेत त्या सोडवाव्या.‎ समस्या सोडवताना आपण आपल्या‎ आरोग्याची व कुटुंबाचीही काळजी‎ घ्यावी असे कार्यकारी अभियंता‎ गोरक्षनाथ सपकाळे यांनी सांगितले.‎ महावितरण सावदा विभागीय‎ कार्यालयांतर्गत येणाऱ्या दोन्ही‎‎‎‎‎‎‎‎‎‎‎ तालुक्यातील चारही उपविभागात‎ लाइनमन दिवस साजरा करण्यात‎ आला. नियमित तसेच बाह्यस्रोत‎ अशा सर्वच लाइनमनचा सत्कार‎ करण्यात आला. त्यांना प्रमाणपत्र‎ देऊन गौरवण्यात आले. अभियंता,‎ अधिकारी, कर्मचारी उपस्थित होते.‎