कारवाईचा दणका:परवाना 25 किलोचा, वाहतूक‎ मात्र 10 क्विंटल सलई डिंकाची‎

सातपुड्यातून होणाऱ्या वन संपदेच्या‎ अवैध वाहतुकीविरुद्ध वन विभागाने‎ मोहीम उघडली आहे. त्यात २५‎ किलो डिंक वाहतुकीचा परवाना‎ घेतलेला असताना प्रत्यक्षात १०‎ क्विंटल डिंकाची अवैध वाहतूक‎ करणारे वाहन वनपरिक्षेत्र अधिकारी‎ अजय बावणे यांनी सापळा रचून‎ पकडले. आठवडाभरात अवैध‎ डिंक वाहतुकीविरुद्धची ही चौथी‎ कारवाई आहे.‎ वनपरिक्षेत्र अधिकारी बावणे‎ कर्मचाऱ्यांसह गस्त करत होते.‎ जिन्सी गावाजवळ टाटा सुमो वाहन‎ (क्रमांक एमएच.२१-बी.०८५२ )‎ चौकशीसाठी थांबवण्यात आले.‎ त्यात गौण वन उपज (सलई डिंक)‎ मिळून आला.

या वाहन‎ चालकाकडे वाहतूक परवाना‎ मागितला. त्याने परवाना क्रमांक‎ १८५३ (४ मार्च २३) दाखवला.‎ त्यात सलई डिंक १० किलो व‎ धावडा डिंक १५ किलो असा एकूण‎ २५ किलो वाहतुकीस मंजुरी होती.‎‎‎‎‎‎‎‎‎‎‎‎‎‎‎‎‎‎ यानंतर पथकाने वाहनाची तपासणी‎ केल्यावर त्यात तब्बल ९ क्विंटल ९९‎ किलो १७० ग्रॅम सलईचा डिंक‎ आढळला. धावडा डिंक वाहनात‎ आढळला नाही. वाहतूक‎ परवान्याव्यतिरिक्त उर्वरित डिंकाची‎ विनापरवाना वाहतूक होत‎ असल्याचे निदर्शनास आल्याने १‎ लाख रुपये किमतीचे वाहन व १‎‎‎‎‎‎‎‎‎‎‎‎‎‎‎‎‎‎ लाख ९ हजार ९०८ रुपयांचा‎ सलईचा डिंक असा एकूण २ लाख‎ ९ हजार ९०८ रुपयांचा मुद्देमाल जप्त‎ करण्यात आला. ही कारवाई‎ वनपरिक्षेत्र अधिकारी अजय बावणे,‎ वनपाल राजेंद्र सरदार, अरुणा‎ ढेपले, वनरक्षक रमेश भुतेकर,‎ उत्तम पवार, राज तडवी, रुस्तम‎ तडवी, बालू राठोड यांनी केली.‎