खडकारोड नाला प्लास्टिक कचऱ्यामुळे तुंबला‎:भुसावळ शहरातील चित्र, तीव्र दुर्गंधीमुळे परिसरातील रहिवासी देखील हैराण

शहरातील बलबलकाशी व‎ खडकारोड नाल्यात गाळ, प्लास्टिक‎ कचरा साचला आहे. यामुळे‎ नैसर्गिक पद्धतीने वाहणाऱ्या या‎ नाल्याचा प्रवाह बंद झाला. नाल्यावर‎ प्लास्टिक कचरा तरंगत असल्याने‎ दुर्गंधी पसरली आहे.‎ शहरातील प्रमुख मार्गांवरील‎ मोठ्या गटारी वगळता बलबलकाशी‎ व खडका रोड नाल्यांमध्ये‎ कचऱ्यांचे ढीग साचले आहेत.‎

खडका रोडवरील नाला इतका तुंडूंब‎ भरला आहे, की आता कचरा थेट‎ रस्त्याच्या समतल पोहोचला आहे.‎ सोबतच बलबलकाशी नाल्यावर‎ खालम्मा दर्गा ते मरिमाता‎ मंदिरादरम्यानच्या भागात नाल्यातील‎ कचरा थेट पुलाच्या कठड्यापर्यंत‎ पोहोचला आहे. नाल्यात‎ प्लास्टिकच्या पिशव्या, पाण्याच्या‎ बाटल्या तरंगत असल्याने पाण्याचा‎ नैसर्गिक प्रवाहदेखील बंद होण्याची‎ शक्यता आहे. पालिकेने शहरातील‎ नाल्यांची बारमाही स्वच्छता‎ करण्याचे धोरण राबवले होते. पण,‎ प्रमुख मार्गांवरील गटारींव्यतिरिक्त‎ नाल्यांची सफाई होत नसल्याची‎ स्थिती आहे.‎

भूजल दूषित होणार?‎ शहरातील अंतर्गत भागातून‎ बलबलकाशीसह सात नाले‎ वाहतात. या नाल्यांतील‎ सांडपाण्याचा पूर्ण निचरा होत नाही.‎ यामुळे सांडपाणी वाहण्याऐवजी‎ जमिनीत मुरते. परिणामी नाल्यांच्या‎ परिसरातील भूजल दूषित होण्याचा‎ धोका आहे. रहिवाशांचे आरोग्य‎ धोक्यात येण्याची भीती आहे.‎