समन्वय समितीची बैठक:यावल तालुक्यातील कामांचा आढावा; आमदार शिरीष चौधरी यांनी केल्या मार्गदर्शक सूचना

येथील तहसील कार्यालयात तालुका समन्वय समितीची पहिली बैठक, आमदार शिरीष चौधरी यांच्या अध्यक्षतेखाली व समन्वय समितीचे तालुका अध्यक्ष प्रभाकर सोनवणे यांच्या प्रमुख उपस्थितीत पार पडली.

यावेळी आमदार चौधरी यांनी बैठकीत यावल तालुक्यातील सर्व प्रशासकीय कार्यालयीन कामकाजाचा आढावा घेतला. उपस्थित अधिकाऱ्यांना शासकीय योजनांची तातडीने अमलबजावणी करण्याबाबत सूचना दिल्या. तालुक्यातील पाणीपुरवठा, सिंचनाचा प्रश्न, गावपातळीवरील विविध शासकीय निधीच्या माध्यमातून होणारी विकासकामे व तालुक्यात भेडसावणाऱ्या विविध समस्यांबाबत आमदारांनी सविस्तर आढावा घेतला. मागील दोन वर्षातील कोरोनाच्या काळात विकासकामांचा वेग हा मंदावला होता. मात्र पुढील काळात कामांचा अनुशेष हा वेगाने भरून काढावा लागणार आहे. यासाठी सर्वांनी कामाला लागावे, असे आवाहन त्यांनी केले.

या बैठकीस समन्वय समितीचे अध्यक्ष प्रभाकर सोनवणे, समिती सदस्य प्रा. मुकेश येवले, लिलाधर चौधरी, रवींद्र सोनवणे, नितिन चौधरी, सदस्या जयश्री पाटील, ललिता चौधरी, प्रेरणा भंगाळे, संजय गांधी योजना समितीचे अध्यक्ष शेखर पाटील, तहसीलदार महेश पवार, आयपीएस अधिकारी आशित कांबळे, निवासी नायब तहसीलदार आर. के. पवार, नायब तहसीलदार आर. डी. पाटील, फैजपूर चे सहाय्यक पोलिस निरिक्षक सिध्देश्वर आखेगावकर, पालिकेचे अभियंता योगेश मदने, वन विभागाचे विक्रम पदमोर, वनजीव्य विभागाच्या सहायक वनसंरक्षक अश्विनी खोपडे, पाटबंधारे विभागाचे एन. पी. महाजन, फैजपूर नगर परिषदचे मुख्याधिकारी वैभव लोंढे, सहाय्यक गटविकास अधिकारी के. सी. सपकाळे, कृषी विभागाचे एस. बी. सिनारे, ग्रामीण पाणीपुरवठाचे पी. बी. देसले उपस्थित होते