जखमी मोटारसायकलस्वारास गोसेवकांची मदत‎:रस्ता काँक्रिटीकरणामुळे‎ अपघातांचे प्रमाण वाढले‎

शहरातील जामनेर रोडवरील श्री‎ गजानन महाराज मंदिर परिसरात‎ रस्ता काँक्रिटीकरणाचे काम सुरू‎ आहे. या कामावर वळण‎ रस्त्याबाबत सूचना फलक नाहीत.‎ पथदिव्यांअभावी सायंकाळनंतर‎ अंधार पडल्याने अपघातांचे प्रमाण‎ वाढले आहे. सोमवारी रात्री‎ रस्त्याचा अंदाज न आल्याने दुचाकी‎ स्वाराचा अपघात झाला.‎ अपघातग्रस्त ५३ वर्षीय व्यक्तीला‎ माजी नगरसेवक निर्मल कोठारी,‎ गोसेवक रोहित महाले यांनी तत्काळ‎ रुग्णालयात उपचारार्थ दाखल केले.‎

जामनेर रोडवर संत गजानन‎ महाराज मंदिरासमोर रस्त्याचे‎ काँक्रिटीकरण सुरू आहे. त्यावर‎ कुठेही सूचना फलक नाहीत.‎ कामामुळे पथदिवे बंद असल्याने‎ रस्त्यावर अंधार असतो. सोमवारी‎ या भागातून दुचाकीवर जाताना‎ गजानन देवरे (वय ५३, रा.पालखी‎‎‎‎‎‎‎‎‎‎ हॉटेल परिसर, भुसावळ) हे गाडी‎ घसरुन पडल्याने गंभीर जखमी‎ झाले. परिसरातील गोसेवक रोहित‎ महाले, माजी नगरसेवक निर्मल‎ कोठारी, मंदार चौधरी, डिंगबर‎ चौधरी, वीरेंद्र तुरकेले, रोहन‎ सपकाळे, अॅड. निर्मल दायमा,‎ मंदार पाठक, योगेश कोल्हे, राजू‎ सिंधवानी यांनी देवरेंना तत्काळ‎ खासगी रुग्णालयात हलवले. देवरे‎ यांचा मोबाइल लॉक असल्याने‎ नातेवाईकांचा शोध घेण्यात‎ अडचणी आल्या. तोपर्यंत गोसेवक‎ व नागरिकांनी सर्व प्रक्रिया पूर्ण करुन‎ मानवतेचे दर्शन घडवले.‎