थरार:वरणगावात पाच वर्षांनी कुस्ती‎ स्पर्धा, सैफ अली ठरला विजेता‎

‎ शहरात तब्बल पाच वर्षांनंतर‎ नुकत्याच झालेल्या कुस्तीच्या‎ दंगलीत युवा महिला कुस्तीपटूंचा‎ थरार सर्वांनी अनुभवला. राज्य‎ आणि परराज्यातून आलेल्या‎ कुस्तीपटूंनी आपले कसब‎ दाखवत उपस्थितांच्या डोळ्यांचे‎ पारणे फेडले. शेवटच्या कुस्तीत‎ मालेगाव येथील सैफ अली यांनी‎ बाजी मारली.‎ शहरात कालुशाह वली बाबा‎ आखाडा व हिंदू-मुस्लिम एकता‎ समितीने रविवारी कुस्तीच्या‎ दंगलीचे आयोजन केले होते.‎ सुरुवातीला युवा महिला‎ कुस्तीपटूंची कालु शाह वली‎ बाबा दर्गा, शहरवासीयांचे‎ कुलदैवत रेणुकामाता मंदिर येथून‎ सवाद्य मिरवणूक काढण्यात‎ आली.

नंतर महात्मा गांधी‎ विद्यालयाच्या प्रांगणात माजी‎ नगराध्यक्ष सुनील काळे, चंद्रकांत‎‎‎‎‎‎‎‎‎‎‎‎‎‎‎‎‎ बढे, माजी नगरसेवक रवींद्र‎ सोनवणे, बाळासाहेब चौधरी,‎ उत्तम पहिलवान, शकील‎ पहिलवान यांच्या हस्ते‎ मारुतीरायाच्या प्रतिमेचे पूजन व‎ श्रीफळ फोडून कुस्तीच्या‎ दंगलीला सुरुवात करण्यात‎ आली. पंच म्हणून उत्तम‎‎‎‎‎‎‎‎‎‎‎‎‎‎‎‎‎ पहिलवान, शकील पहिलवान,‎ पवन पहिलवान, शेख कय्यूम‎ शेख फय्युम, इरफान कुरेशी यांनी‎ काम पाहिले.

एपीआय‎ आशिषकुमार अडसूळ व‎ उपनिरीक्षक परशुराम दळवी‎ यांच्या व मान्यवरांच्या हस्ते‎ कुस्त्यांची जोड लावण्यात आली‎‎‎‎‎‎‎‎‎‎‎‎‎‎‎‎‎ . वसीम बापू, आवेश भांजा,‎ अख्तर पहिलवान, सबदर‎ पहिलवान, मंजूर पहिलवान,‎ रजिक पहिलवान यांची उपस्थिती‎ होती. शेख रफीक, शामराव‎ धनगर, शेरु माळी, विजय वाघ‎ यांचेसह इतर कुस्तीप्रेमींनी‎ सहकार्य केले.‎

असे आहेत विजेते‎
कुस्तीच्या दंगलीमध्ये सैफ अली‎ (मालेगाव ) यांनी बाजी मारली.‎ तर दामू वाकोडे, सोहील‎ पहिलवान, तहूर पहिलवान,‎ सूरज चौहान, रैंचू पहिलवान‎ (हरीयाणा) व सल्लाउद्दीन‎ पहिलवान (मालेगाव) यांच्या‎ कुस्त्या बरोबरीत सुटल्या. इम्रान‎ पहिलवान व दिनेश पहिलवान‎ यांच्या कुस्तीत इम्रानने बाजी‎ मारली. विजेत्यांना १०० ते १५‎ हजार रुपयांपर्यंत बक्षिसे देण्यात‎ आली.‎