अभिवादन:सावित्रीबाई फुले प्रत्येक महिलेसाठी‎ आदर्श; रंजना कोळी यांचे प्रतिपादन‎

शहरातील जिजाऊ कॉलनी ‎ ‎ परिसरातील रहिवाशांनी क्रांती‎ ज्योती सावित्रीबाई फुले यांना ‎जयंतीदिनी अभिवादन केले.‎ जिजाऊ नगरात हा कार्यक्रम झाला. ‎ ‎ सावित्रीबाई फुले यांच्या प्रतिमेचे‎ पूजन नगरसेविका शारदा बोरसे, ‎जिजाऊ ब्रिगेडच्या जिल्हा संघटक ‎रंजना कोळी यांच्या हस्ते झाले.‎ रंजना कोळी यांनी मनोगतात‎ सावित्रीबाई फुले यांच्या कार्याची‎ माहिती देताना त्या भारतीय‎ स्त्रीवादाच्या जननी आहेत. प्रत्येक‎ महिलेने त्यांचा आदर्श समोर ठेवून‎ काम करावे असे आवाहन केले.‎ रंजना कोळी म्हणाल्या की, क्रांती‎ ज्योती सावित्रीबाई फुले यांनी स्त्री‎ शिक्षणाचा पाया रोवला. महिलांना‎ सन्मानाचे जीवन मिळवून दिले.‎ आताची महिला कोणत्याही क्षेत्रात‎ मागे नाही. त्याचे श्रेय सावित्रीबाई‎ फुले यांना जाते. त्यांनी आपले पती‎ महात्मा जोतिराव फुले यांच्यासोबत‎ भारतातील महिलांचे अधिकार‎ सुधारण्यात महत्त्वाची भूमिका‎ बजावली. सावित्रीबाईंना भारतीय‎ स्त्रीवादाची जननी मानले जाते.

‎ फुले दाम्पत्याने सन १८४८ मध्ये पुणे‎ येथील भिडे वाड्यात मुलींच्या‎ शाळेची स्थापना केली. ही शाळा‎ देशात स्थापन झालेल्या सुरुवातीच्या‎ शाळांपैकी एक होती. यावेळी‎ तालुकाध्यक्षा रेखा ढोले, गायत्री‎ मराठे, खुशी सत्रे, अलका हिवरे,‎ सविता तायडे, सुनीता सूर्यवंशी,‎ मीना बरकले, मंगला सोनवणे,‎ दीपाली सोनवने, वैशाली वानखेडे,‎ वैशाली माळी, प्रिती माळी, अलका‎ तायडे, जागृती पाटील, भारती‎ पाटील, बनाबाई शिंगोटे, कल्पना‎ गावंडे, सिंधू निकम, ज्योती वाणी,‎ दर्शिका ढोले उपस्थित होत्या.‎ सविता तायडे या मुलीने सावित्रीबाई‎ फुले यांच्या प्रतिमेचे चित्र रांगोळीने‎ रेखाटून सर्वांचे लक्ष वेधले.‎