महिलादिन:वन विभागात सेवा आव्हानात्मक काम‎;वनपरिक्षेत्र अधिकारी अजय बावणे यांचे रावेरात प्रतिपादन‎

जागतिक महिला दिनानिमित्त‎ शहरातील विविध ठिकाणी‎ महिलांचा सन्मान करण्यात आला.‎ नाईक महाविद्यालय, पोलिस स्टेशन‎ व वन विभागात महिला‎ कर्मचाऱ्यांचा सत्कार झाला.‎ वनपरिक्षेत्र अधिकारी अजय बावणे‎ यांनी, वन विभागात कर्तव्य‎ बजावणाऱ्या महिला कर्मचाऱ्यांचा‎ प्रवास खडतर असतो. कुटुंबाची‎ जबाबदारी पेलून दिवसरात्र‎ दऱ्याखोऱ्यात ऊन, वारा, पावसाची‎ तमा न बाळगता त्या सेवा देतात,‎ अशा शब्दात कौतुक केले.‎ व्ही.एस.नाईक महाविद्यालयात‎ रासेयो एककाच्या माध्यमातून‎ आयोजित कार्यक्रमाच्या‎ अध्यक्षस्थानी प्राचार्य‎ डॉ.पी.व्ही.दलाल, तर सिनेट सदस्य‎ डॉ.अनिल पाटील व आयक्यूएसी‎ समन्वयक एस.आर.चौधरी प्रमुख‎ पाहुणे आणि प्रा.चांदणी समर्थ प्रमुख‎ वक्त्या होत्या.

प्रा.एस.डी.धापसे‎ यांनी सूत्रसंचलन केले. ग्रंथपाल‎ बी.जी.मुख्यादल यांनी आभार‎ मानले. रासेयोचे कार्यक्रम‎ अधिकारी प्रा.डॉ.एस.बी.गव्हाड‎ यांच्यासह स्वयंसेवकांनी सहकार्य‎ केले. वन विभागातर्फे वनपरीक्षेत्र‎ अधिकारी अजय बावणे यांनी‎ महिला कर्मचाऱ्यांना शासकीय‎ कर्तव्यावर आवश्यक असणारी‎ खाकी साडी देऊन सत्कार केला.‎ कार्यालयाच्या प्रांगणात वृक्षारोपण‎ करण्यात आले. तसेच कार्यालयात‎ केक देखील कापण्यात आला. रावेर‎‎‎‎‎‎‎‎‎‎‎‎‎‎‎ पोलिस ठाण्यात देखील दक्षता‎ समितीच्या पदाधिकारी महिलांचा‎ सन्मान करण्यात आला. देशाच्या‎ प्रगतीत महिलाशक्तीचा सिंहाचा‎ वाटा आहे. अनेक महिलांनी केलेले‎‎‎‎‎‎‎‎‎‎‎‎‎‎‎ काम पिढ्यानपिढ्यांना प्रेरणा देणारे‎ आहे. महिलादिनी या‎ कार्यकर्तृत्वाचा सन्मान होणे‎ अपेक्षित आहे, असा सूर यावेळी‎ उमटला.‎