गोडवा महागला:पंधरवड्यात 60 रुपयांनी महागली तीळ‎ ; सरासरी 220 रुपये किलोचे दर, गुळाचे भाव मात्र स्थिर‎

मकरसंक्रात जवळ येत‎ असल्याने तिळीची मागणी‎ वाढली. परिणामी गेल्या १५‎ दिवसांत तिळाचे दर तब्बल ६०‎ रूपये किलोने वाढले आहेत.‎ यामुळे गतवर्षाच्या तुलनेत‎ यंदा तिळीवर भाववाढीची‎ संक्रांत आली आहे. त्यामुळे‎ यंदा गोडवा महागला आहे.‎ मकर संक्रांतीला‎ एकमेकांना तिळ-गुळ दिले‎ जाते. त्यासाठी संक्रांतीच्या‎ काही दिवस अगोदर बाजारात‎ तिळीची मागणी वाढते. यंदा‎ देखील मागणी वाढली असली‎ तरी सोबतच दरवाढ देखील‎ झाली आहे. पंधरा दिवसांपूर्वी‎ तिळाचे किलोचे दर सरासरी‎ १६० रुपये किलो होते. ते आता‎ २२० रुपये किलोपर्यंत पोहोचले‎ आहेत. गुळाचे दर मात्र ५० ते‎ ६० रूपये किलाेवर स्थिर‎ आहेत. ही दरवाढ पाहता‎ तिळ-गुळासोबतच यंदा‎ तिळीच्या वड्या, लाडूंची‎ भाववाढ होऊ शकते. सध्या‎ तिळीच्या लाडूचे पाकिट ५० ते‎ ९० रूपयांपर्यंत उपलब्ध‎ आहेत. त्यात लहान‎ आकाराचे १२ ते २० लाडू‎ येतात. या उद्योगातून अनेक‎ महिलांना स्वयंरोजगार देखील‎ मिळाला आहे. काही ठिकाणी‎ बचत गटाच्या महिला देखील‎ तीळ-गुळ तयार करून विक्री‎ करतात.‎

तांदूळ, तीळ दान करा‎ सन २०१८ मध्ये १४ जानेवारी,‎ २०१९-२०२०मध्ये १५ जानेवारी,‎ २०२१ व २०२२ या वर्षी मकर‎ संक्रांत १४ जानेवारीला होती.‎ येणाऱ्या २०२४ मध्ये १५‎ जानेवारी, २०२५ व २६ वर्षात १४‎ जानेवारी, २०२७ व २०२८ या वर्षी‎ ती १५ जानेवारीला साजरी होईल.‎ संक्रांतीच्या दिवशी शुभ मुहूर्तावर‎ पाण्यात काळे तीळ आणि‎ गंगाजल टाकून स्नान करावे.‎ सूर्याला अर्ध्य द्यावे. या दिवशी‎ तांदूळ, काळी तीळ, ताम्र कलश‎ आदी दान करावे असे‎ ज्याेतिषाचार्य विनायक जाेशी‎ यांनी दिव्य मराठीसोबत‎ बोलताना सांगितले.

तालुक्यातील अनेक शेतकरी केवळ‎ घरगुती वापरापुरती तिळीची पेरणी‎ करतात. शिल्लक राहणारी तीळ मकर‎ संक्रांतीपूर्वी शहराच्या बाजारात‎ विक्रीसाठी आणली जाते. तर काही‎ व्यापाऱ्यांना विक्री करतात. पण, त्यात‎ अपेक्षित भाव मिळत नाही.‎