आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

भाविकांनी स्वागत:विशेष सागरजी महाराज‎ यांचे फैजपुरात स्वागत‎

फैजपूर‎2 महिन्यांपूर्वी
  • कॉपी लिंक

श्री १०८ विशेष सागरजी महाराज‎ यांचे फैजपूरात जल्लोषात स्वागत‎ करण्यात आले.‎ जामनेर येथील चातुर्मास संपन्न‎ करून नाशिक येथील मांगीतुंगी‎ यात्रा करून पुन्हा जामनेर व‎ भुसावळ, पाडळसेमार्गे मुनींचे‎ सोमवारी सकाळी ८ वाजता‎ फैजपुरात आगमन झाले. शहरातील‎ छत्री चौकात त्यांचे आगमन होताच‎ भाविकांनी स्वागत केले. छत्री‎ चौक, सुभाष चौक, खुशालभाऊ‎ रोड, जुने म्युनिसिपल हायस्कूल,‎ रथ गल्लीमार्गे चंद्रप्रभू दिगंबर जैन‎ मंदिरात त्यांचे आगमन झाले.‎ शहरात ठिकठिकाणी त्यांचे‎ जल्लोषात स्वागत करण्यात आले.‎ चंद्रप्रभू दिगंबर जैन मंदिरात चंद्रप्रभू‎ भगवान महामस्तकाभिषेक तसेच‎ आचार्य विमलसागरजी महाराज‎ यांच्या प्रतिमेचा महामस्तकाभिषेक‎ श्री विशेष सागरजी महाराज‎ यांच्याहस्ते करण्यात आला.

माजी‎ उपनगराध्यक्ष राकेश जैन यांच्याकडे‎ आहार दिनचर्या करण्यात आली.‎ विशेष सागरजी महाराज यांनी‎ आपल्या प्रवचनात आई-वडिलांची‎ सेवा करा, गुरुचा व संतांचा आदर‎ करा. संतांच्या विचारकार्याचा प्रचार‎ प्रसार करावा, मुलांनी मोबाईलचा‎ वापर टाळावा, नियमित वाचन‎ करावे, असा संदेश दिला. यावेळी‎ फैजपूर, सावदा येथील जैन समाज‎ बांधव, बालगोपाल तसेच माजी‎ नगरसेवक संजय रल, केतन‎ बाणाईत, विलास सपकाळे यांची‎ उपस्थिती होती. ठिकठिकाणी‎ भाविकांनी औक्षण केले.‎

बातम्या आणखी आहेत...